"მე მქონდა მტკიცედ ჩამოყალიბებული პოზიცია - არ დამეშვა თავისუფალი აზრის მოსპობა"

"მე მქონდა მტკიცედ ჩამოყალიბებული პოზიცია - არ დამეშვა თავისუფალი აზრის მოსპობა" - წიკლაური

პოლიტიკა - 12:42, 04 Nov, 2015

1222

სახელმწიფო ხელისუფლების დასამხობად შეთქმულების მუხლით დაწყებულ გამოძიებას წიკლაური აბსურდულს უწოდებს და აცხადებს, რომ მისი ქმედებები და საუბარი მიმართული იყო თავისუფალი სიტყვის და დემოკრატიის დასაცავად, რომელსაც საფრთხე სახელმწიფოს მხრიდან ემუქრებოდა.

„ეს არის ნამდვილი აბსურდის თეატრი, თითქოს ეს არის ამბოხება და შეთქმულება სახელმწიფოს წინააღმდეგ. როდესაც რუსთავი 2-ს, როგორც თავისუფალი მედიის ერთ-ერთ წარმომადგენელს დაემუქრა საფრთხე ხელისუფლების მხრიდან, როგორც საქართველოს მოქალაქეს მქონდა მტკიცედ ჩამოყალიბებული პოზიცია, რომ არ დამეშვა თავისუფალი აზრის და საქართველოს დემოკრატიული განვითარების პერსპექტივის მოსპობა.“- განაცხადა ნუგზარ წიკლაურმა „რ2“-თან საუბარში.

შეგახსენებთ, 315-ე მუხლით აღძრული საქმის ფარგლებში, რაც სახელმწიფო ხელისუფლების დასამხობად ან ხელში ჩასაგდებად შეთქმულებას გულისხმობს, დღეს სუს-ში რ2-ის გენდირექტორის და ნაციონალური მოძრაობის წევრები დაიკითხებიან. ნუგზარ წიკლაურთან ერთად დაკითხვაზე, გივი თარგამაძე, კობა ხაბაზი და ნიკა გვარმია არიან დაბარებულნი. ამ საქმეზე უკვე დაიკითხა გიგა ბოკერია, თემურ ჯანაშია, ნიკა გვარამია და სოფო ნიჟარაძე.