საქართველოს მესამე პრეზიდენტის მიხეილ სააკაშვილის თქმით, „რუსთავი 2“-ზე ივანიშვილის მხრიდან „რეიდერული შეტევა“ ხორციელდება. ამის შესახებ სააკაშვილი სოციალურ ქსელში წერს.

„საქართველოში, რუსი ოლიგარქის მხრიდან შანტაჟის გზით უკანონო სპეცოპერაციით და სასამართლო მანიპულაციებით პოსტსაბჭოთა სივრცეში საუკეთესო დამოუკიდებელ ტელევიზიაზე რეიდერული შეტევა ხორციელდება . თუ ივანიშვილი შეძლებს ფიზიკურად შევიდეს საქართველოს ყველაზე დიდი ტელევიზიაში, ეს იქნება მიზნის შესრულება, რომელსაც პუტინმა 2008 წელს სამხედრო გზით ვერ მიაღწია- ქართული დემოკრატიის დასასრული. სიმბოლური გაფრთხილება უკრაინელებს, არ დაუშვან ოლიგარქების ხელში მოხვდნენ, განსაკუთრებით მათი, ვინც მოსკოვთან კავშირშია, ვისი გაკონტროლების ყველა ბერკეტიც მოსკოვს აქვს“, - წერს სააკაშვილი.