"ვაიშვილოჰაკიმი გამოქინძქონდარკამაცერეცოებულა"- გივი თარგამაძერ პრემიერის გამოსვლას გამოეხმაურა

სოც.მედია - 20:19, 03 Nov, 2015

4160

ნაციონალური მოძრაობის წევრი გივი თარგამაძე პრემიერის გამოსვლას სოციალურ ქსელში გამოეხმაურა. დეპუტატის თქმით ირაკლი ღარიბაშვილი პრემიერის რანგშიც იმ ენაზე ამეტყველდა, როგორც ადრე ავრცელებულ ფარულ ჩანაწერებში:

"ვაიშვილოჰაკიმი გამოქინძქონდარკამაცერეცოებულა და ფარულ ჩანაწერებში რომ საუბრობდა, იმ ენაზე ამეტყველებულა პრემიერმინისტრის დარგში. შვილო, მთავარია, დაივიწყე, რომ პოლიტიკური ნიახური ხარ და 2016-ში მეორედ მოხვალ მთავრობაში. ქართულმა ოცნებამ თავი ვერ შეიკავა და ოფიციალურ ვებგვერდზე სახალვაშე გადაწყვეტილება იზეიმა. მერე წაშალა, მაგრამ fb ოხერია, კვალი დარჩა. თოფაძე კიდევ გასცდა 75 წლიან ზღვარს და აღმოთქვა, ერთი კვირის წინ ვიცოდით, რა გადაწყვეტილება იქნებოდაო. სრულიად ქოცქიბარებმა სევდანარევი სიხარულით იზეიმეს ცოცხალმკვდარი ურთმელიძის დედისმგმობელი, მკვდრადშობილი გადაწყვეტილება. დღის ბოლოს კი მთელს ამ კამპანიას ელის მათთვის აუტანელი "არჩევანი" გაბუნიასთან ერთად და ყოველდღიურად ეთერში დარჩენილი რ2-ს გადაცემები. მოდუნდით და მიიღეთ სიამოვნება..."- წერს გივი თარგამაძე ფეისბუკზე."- წერს გივი თარგამაძე ფეისბუკზე.

შეგახსენებთ, ირაკლი ღარიბაშვილმა დღეს კომენტარი ფარულ ჩანაწერებთან დაკავშირებით გააკეთა და აღნიშნა, რომ სააკაშვილის განცხადებებზე სერიოზულ კომენტარს ვერ გააკეთებს:
„გავრცელდა აუდიოჩანაწერები ყოფილი პრეზიდენტის, ამჟამად ოდესის გუბერნატორის, რომელიც საკუთარ თავს ქინძს ეძახის. ჩემთვის ეს სასაცილოა უბრალოდ. ჩვენ ქინძის განცხადებებზე სერიოზულ განცხადებებს ვერ გავაკეთებთ, მაგრამ მინდა ყველას ვუთხრა, რომ დღეს სახელმწიფო უფრო ძლიერია, ვიდრე სამი წლის წინ. მეტად დემოკრატიული, ვიდრე ადრე, სადაც კანონის უზენაესობა ყოველთვის დაცული იქნება. არცერთი მოქალაქე არ იქნება კანონზე მაღლა - ვერც ქინძი და ვერც სხვა მოქალაქე“, - განაცხადა ღარიბაშვილმა