"ნუ გახდებით ურთმელიძესავით ზედსართავი სახელები"- გვარამია სააპელაციოს მოსამართლეებს მიმართავს

პოლიტიკა - 18:33, 03 Nov, 2015

1748

„რუსთავი2“-ის გენერალური დირექტორი ნიკა გვარამია მოსამართლე ურთმელიძის მიერ მიღებულ გადაწყვეტილებას არასამართლიანად მიიჩნევს და იმედს გამოთქვამს, რომ სააპელაციო სასამართლო შეუნარჩუნებს სასამართლო სისტემას რეპუტაციას და ამ ინსტანციაშიც იგივე პროცესები არ განმეორდება, რასაც ადგილი ქონდა საქალაქო სასამართლოში.

„ მე ძალიან დიდი იმედი მაქვს და მივმართავ სააპელაციო სასამართლოს, რომ იგივეს გამეორება არ მოხდეს, რადგან ეს კიდევ უფორ მეტად დაძაბავს საზოგადოებაში შექმნილ უმძიმეს ვითარებას და საბოლოოდ დაასამარებს სასამართლო სისტემას, რომელსაც ჯერ კიდევ აქვს შესაძლებლობა საკუთარი თავი გადაირჩინოს და ეს სააპელაციოს ხელით გააკეთოს. ნუ დაიწყებენ პროცესების აქსელერაციას, ნუ მიიიღებენ უკანონო გადაწყვეტილებებს, ნუ მოხვდებიან კოლეგიაში ის ადამიანები, რომლებიც ანგაჟირებულნი არიან წინასწარ და კორუფციულ გარიგებაში იმყოფებიან ხელისუფლებასთან. ეს აუცილებლად გამოაშკარავებული იქნება რ2-ის მიერ და მილიონობით მაყურებელი ნახავს. ნუ გაიხდით თავს დასაცინად და ნუ აიგდებთ აბუჩად, მიჰყევით თქვენს შინაგან რწმენას და პროფესიონალიზმს. ნუ მისცემთ მოსმაართლე ურთმელიძეს უფლებას, რომ თქვენი ხელით წლების განმავლობაში ნაშენები სასამართლო რეპუტაცია დაასამაროს. ურთმელიძე ზედსართავი სახელი გახდა უკვე, ნუ გახდებით ზედსართავი სახელები თქვენც, გადაარჩინეთ სასამართლო სისტემა და დემოკრატია“- განაცხადა ნიკა გვარამიამ.