უმრავლესობის დეპუტატი მანანა კობახიძე ფიქრობს, რომ საკონსტიტუციო სასამართლოს გადაწყვეტილება ბიზნესის სექტორის წარმომადგენლებს პრობლემებს შეუქმნის.

მისი თქმით, დაუყოვნებლივი აღსრულების ნორმა საკონსტიტუციო სასამართლომ ისე შეაჩერა, რომ პარლამენტის არგუმენტები არ მოისმინა.

„სასამართლომ ძალიან ჩუმად, ფარულად, ისე რომ არც კი მოუსმინა პარლამენტის არგუმენტებს და არც დაინეტრესდა როგორი იყო მოპასუხე მხარის არგუმენტები, შეაჩერა იმ ნორმის მოქმედება, რომელიც ძალიან ბევრ დემოკრატიულ ქვეყანაში მოქმედებს. გარკვეულ შემთხვევებში, ჩვენს მოქალაქეებს და ბიზნეს სექტორის წარმომადგენლებს შეიძლება შეუქმნას პრობლემა. ბუნებრივია, მთელი პასუხისმგებლობა ამაზე უნდა აიღოს თავად საკონსტიტუციო სასამართლომ.“ - განაცხადა მანანა კობახიძემ.