სოფო ნიჟარაძე და თემურ ჯანაშია დაკითხვაზე დაიბარეს

პოლიტიკა - 09:35, 03 Nov, 2015

6417

ერთ-ერთ უკრაინულ საიტზე აუდიოჩანაწერების გავრცელების შემდეგ, მომღერალი სოფო ნიჟარაძე და სახელმწიფო დაცვის სპეციალური სამსახურის ყოფილი უფროსი თემურ ჯანაშა დაკითხვაზე დაიბარეს.
ფატი "ნიუპოტს" "სუსის საზოგადოებასთან ურთიერთობის დეპარტამენტის ხელმძღვანელმა ნინო გიორგობიანმა დაუდასტურა. გიორგობიანი ჩვენთან საუბარიში არ ადასტურებს, ნიჟარაძე-ჯანაშიას დაკითხვაზე დაბარების მიზეზი არის თუ არა ინტერნეტით გავრცელებული აუდიოჩანაწერი.
ნიჟარაძეს მოდულის შენობაში დღეს 12:00 საათზე ელოდებიან, ჯანაშია კი საგამოძიებო უწყებაში 15:00 საათზე უნდა გამოცხადედეს. როგორც სოფო ნიჟარაძისთვის კონტრდაზვერვის დეპარტამენტისგან გაგზავნილი უწყებიდან ირკვევა, მომღერალი მოწმის სახით იკითხება.

დღეს უკრაინულ საიტზე გამოჩნდა ფარული ჩანაწერები, რომელშიც ასახული იყო მიხეილ სააკაშვილისა და ნიკა გვარამიას, ასევე მიხეილ სააკაშვილისა და სოფო ნიჟარაძის საუბრები. გვარამია - სააკაშვილის საუბრის ძირითადი შინაარსი რუსთავი ორის შენობის დაცვის მეთოდები იყო. სააკაშვილი-ნიჟარაძის საუბარი კი საქართველოში მოსალოდნელ მოვლენებს შეეხებოდა, რა დროსაც ჩანაწერების მიხედვით, ნიჟარაძემ ნოდარ მელაძის მიმართ შეურაცხმყოფელი სიტყვები გამოიყენა.

აღსანიშნავია, რომ მომღერალმა სოფო ნიჟარაძემ ამ ჩანაწერს "ფსბ-ს დამონტაჟებულ სიყალბეზე" უწოდა.

თემურ ჯანაშიას რაც შეეხება, უკრაინულ საიტზე გავრცელებულ ჩანაწერის მიხედვით, მას ამ ჩანაწერში საქართველოს ყოფილი პრეზიდენტი მიხეილ სააკაშვილი და "რუსთავი 2"-ის გენერალური დირექტორი ნიკა გვარამია ახსენებენ.