"თამარ ხიდაშელის მეუღლე ფიზიკურად გამისწორდა"- "პატრიოტთა ალიანისის" წევრს დაზიანებები აღენიშნება

პოლიტიკა - 20:08, 31 Oct, 2015

2102

"პატრიოტრთა ალიანსის" ერთ-ერთი წარმომადგენელი თარხან გასვიანი აცხადებს, რომ იორმუღანლოს 42-ე საარჩევნო უბნის ტერიტორიაზე "ქართული ოცნების" მაჟორიტარობის კანდიდატის თამარ ხიდაშელის მეუღლე ფიზიკურად გაუსწორდა.
თარხან გასვიანი აცხადებს, რომ მისი ცემის ფაქტი პოლიციელების თვალწინ მოხდა.
"42-ე უბანზე დაფიქსირდა დარღვევა. მივედით, უკან მოგვყვებოდა დაახლოებით, 5 ავტომობილი, მათ შორის, კრიმინალური პოლიციის "შკოდისა" და პოლიციის "პიკაპის" ტიპის ავტომობილები. უბანში შევედით, რათა გაგვრკვია, რა სახის პრობლემა იყო. ავტომობილებიდან გადმოვიდა დაახლოებით, 25 კაცი, აქვე იყო თამარ ხიდაშელის მეუღლე, პოლიციელები და მათი მეგობრები. ისინი მუშტების ქნევითა და სიტყვიერი შეურაცხყოფით ჩვენსკენ წამოვიდნენ. ჩვენ 6 ვიყავით, 25 კაცს ვერ გავუმკლავდებოდით, მაგრამ რაც შეგვეძლო შესაბამისი პასუხი გავეცით. დაახლოებით, 20 წუთის განმავლოვბაში გრძელდებოდა ფიზიკური შეურაცხყოფა. ამ დროს გამოვიდნენ "ობიექტივის" თანამშრომლები, მათი დანახვისთანავე ჩასხდნენ მანქანებში და წავიდნენ. ჩვენ მოვასწარით მათი ავტომობილების ნომრების გადაღება. ამის შემდეგ მოგვიახლოვდნენ პოლიციელები, რომლებიც შორიდან გვიყურებდნენ. მომიახლოვდა საგარეჯოს პოლიციიის უფროსი ლევან მაისურაძე და მეკითხება, რა მოხდაო. მე მას ვუთხარი, რომ ყველაფერს თავად ხედავდა და ის იყო სამართალდამრღვევი" - განაცხადა თარხან გასვიანმა.
"პატრიოტთა ალიანსი" საქმის გამოძიების მოთხოვნით პროკურატურაში განცხადების შეტანას დღესვე გეგმავს.