"პასუხისმგებლობა ინაშვილის შტაბს ეკისრება" - ხიდაშელი გიორგიწმინდის #20 უბანში მომხდარ ინციდენტს ეხმაურება

პოლიტიკა - 13:34, 31 Oct, 2015

2967

"ქართული ოცნების" მაჟორიტარობის კანდიდატი თამარ ხიდაშელი გიორგიწმინდის #20 უბანში მომხდარ ინციდენტში პასუხისმგებლობას ირმა ინაშვილის შტაბს აკისრებს.
მისი თქმით, გიორგიწმინდის #20 უბანზე მომხდარი დაპირისპირება ინაშვილის მხარდამჭერების პროვოკაცია იყო.
ხიდაშელის განცხადებით, მისი კონკურენტის მხარდამჭერები ადგილზე ნასვამ მდგომარეობაში მივიდნენ და ძალადობა დაიწყეს.
"ფაქტია ის, რომ #20 უბანზე ქალბატონი ირმა ინაშვილის შტაბის წარმომადგენლები ნასვამ მდგომარეობაში მივიდნენ და სიტუაციის დაძაბვას ცდილობდნენ. იმ მდგომარეობაზე, რაც შეიქმნა, პასუხისმგებლობა ინაშვილის შტაბს ეკისრება", - განაცხადა თამარ ხიდაშელმა.

ხიდაშელის ინფორმაციით, ინციდენტი მოხდა დილის საათებში იორმუღანლოს ზონაშიც. როცა ირმა ინაშვილის შტაბის წარმომადგენელი, მუბარის მამედოვი უბანზე შეიჭრა და ყვიროდა, რა დროსაც ხელს უშლიდა საარჩევნო კომისიას მუშაობაში.

მმართველი კოალიციია მაჟორიტარობის კანდიდატს ინცინდენტში სოფლის გამგებელის გიორგი ჭიაბერაშვილის მონაწილეობაზეც ჰკითხეს.
ხიდასელის თქმით, ის სამართალდამცავებისგან ელოდება ამ ინფორმაციის დაზუსტებას.
სოფელ გიორგიწმინდაში, მე-20 საარჩევნო უბანზე "პატრიოტთა ალიანსის" წარმომადგენლის ირმა ინაშვილისა და "ქართული ოცნების" წარმომადგენლის თამარ ხიდაშელის მომხრეები ერთმანეთს დაუპირისპირდნენ.
ირმა ინაშვილის მხარდამჭერებიის ინფორმაციით, საარჩევნო უბანზე მისული იყო სოფლის გამგებელი გიორგი ჭიაბერაშვილი, რომელიც ზეწოლას ახდენდა ამომრჩეველზე და დაპირისპირება აღნიშნულს მოჰყვა.
მათივე ინფორმაციით გამგებელი დაკითხვაზე გადაიყვანეს.