„ნაციონალური მოძრაობის“ ერთ-ერთმა ლიდერმა გიგა ბოკერიამ 8 საათიანი დაკითხვის შემდეგ მოდულის შენობა დატოვა.

დაკითხვის დეტალებზე ბოკერიამ ვრცლად არ ისაუბრა, თუმცა აღნიშნა, რომ დაწყებული გამოძიება უსაფუძვლოა.

„რაც თქვენ ჟურნალისტებს და საზოგადოებას არაერთხელ გაქვთ მოსმენილი, იგივე მოისმინეს გამოძიებლებმა, რომლებსაც ასეთ სისულელეზე ივანიშვილის დაკვეთით აწვალებენ და დროს აკარგინებენ. ჩვენი ამოცანაა, რომ ივანიშვილს არ მივცეთ უფლება, რომ ქვეყანა კონსტიტუციის ფარგლებიდან გაიყვანოს, ჩვენი ამოცანაა, რომ ის არჩევნებში დავამარცხოთ, მაგრამ ჩვენ მას არ მივცემთ საშუალებას, ძალადობის მეშვეობით ჩაახშოს ის ინსტიტუტები, რომელიც იცავს ჩვენს თავისუფლებას. ამ ვითარებაში პირველ რიგში არის „რუსთავი 2“. თუ ის გააგრძელებს იმ ნაბიჯებს, რასაც ვხედავთ ბოლო პერიოდში, ვგულისხმობ კონტროლირებადი მოსამართლის მიერ დაკვეთილი განაჩენით ძალადობრივ აღსულებას, ამას ჩვენ არ დავუშვებთ“, - აღნიშნა ბოკერიამ.