იუსტიციის მინისტრის თეა წულუკიანის თქმით, უკრაინაში უნდა დაიწყოს გამოძიება იმასთან დაკავშირებით, თუ საიდან მოხვდა ფარული სატელეფონო ჩანაწერები ინტერნეტსივრცეში.

როგორც მინისტრი ამბობს, ყველაფერი უნდა გაკეთდეს, რომ საქართველოში არც ერთი ჟურნალისტი არ გახდეს უკანონო მანიპულაციის მსხვერპლი.

„უკრაინაში, სადაც „ნაციონალები“ თავად არიან პროკურორებიც, გუბერნატორებიც და ხელისუფლების წარმომადგენლებიც უნდა დაიწყოს გამოძიება, რომ დადგინდეს საიდან მოხვდა ეს ჩანაწერები. ყველაფერი უნდა გავაკეთოთ იმისთვის, რომ არც „რუსთავი 2“-ის და საერთოდ არც ერთი ჟურნალისტი საქართველოში არ გახდეს რაიმე ტიპის უკანონო მანიპულაციის მსხვერპლი. მივცეთ სასამართლოს გზა სწორი და დამოუკიდებელი გადაწყვეტილებისკენ. სტაბილურობის ფარგლებში, რომელსაც ამ ქვეყანაში ვერანაირი სააკაშვილი ვერ შეუქმნის საფრთხეს, უზრუნველყოთ ზუსტად ის ხარისხი და უფრო მეტი თავისუფალი მედიის, მათ შორის "რუსთავი 2"-ისთვის, რომელიც არ დაიხურება“,-განაცხადა თეა წულუკიანმა.