ყველას მოვუწოდებ, რომ „ერთი ადგილი“ დააყენონ!

ყველას მოვუწოდებ, რომ „ერთი ადგილი“ დააყენონ! - ირაკლი ალასანია

პოლიტიკა - 10:51, 30 Oct, 2015

6057

„თავისუფალი დემოკრატების“ ლიდერი ქვეყანაში დაპირისპირების ფონის შექმნაში მიხეილ სააკაშვილს და ირაკლი ღარიბაშვილს ადანაშაულებს. ირაკლი ალასანიას თქმით ორივე მხარე უპასუხისმგებლოდ იქცევა და ქვეყანაში ისტერიული გარემოს შექმნას უწყობს ხელს. აღნიშნული განცხადება ალასანიამ ტელეკომპანია „მაესტროს“ ეთერში გააკეთა:

„სააკაშვილმა უნდა მისცეს საშუალება თავის პარტიასაც და საქართველოსაც, რომ მის გარეშე გააგრძელოს ცხოვრება. აქ მეორე მხარეც არის, ეს ორი პოლუსი უწყობს ხელს, რომ ასეთი დაძაბულობა და ისტერიული გარემო იყოს ჩვენს ქვეყანაში. მეორე მხარეს არის „ქართული ოცნება“, ყველაზე ვერ ვიტყვი ბუნებრივია, მაგრამ თავმჯდომარე ამ მთავრობის, რომელიც უპასუხისმგებლოდ, აგდებულად გამოდის და ძალადობისკენ მოუწოდებს. ცეცხლს ეთამაშება ეს ხალხი, ისე რომ ვერც ხვდებიან რამხელა შარში შეიძლება ქვეყანა გახვიონ. აი ეს ყველაფერი მოწმობს იმას, რომ ეს ვიღაცის ინტერესებში შედის. მე დარწმუნებული ვარ რომ არცერთს არ აქვს რაიმეს აგორების თავი. ყველას მოვუწოდებ, რომ „ერთი ადგილი“ დააყენოს და თავი დაანებოს ესეთი ფორმით ჩვენს ქვეყანაში პოლიტიკის ესკალაციას. აღარ შეუძლია ხალხს ასეთი დაპირისპირების მოსმენა. ილაპარაკონ როგორ გამოიყვანენ ეკონომიკას კრიზისიდან, სალაპარაკოა ისიც რომ საერთაშორისო თანამეგობრობაში დღითიდღე ვკარგავთ ჩვენს იმიჯს“- განაცხადა ირაკლი ალასანიამ.