საგარეო საქმეთა მინისტრის გიორგი კვირიკაშვილის თქმით, მთავრობის ერთ-ერთი მთავარი მიღწევა მედიის დამოუკიდებლობაა.

როგორც კვირიკაშვილმა განმარტა, უცხოელი პარტნიორების მხრიდან მედიაგარემოსთან დაკავშრებით გაჩენილი კითხვები ქვეყნის ევროატლანტიკურ სტრუქტურებში გაწევრიანებისთვის დამაბრკოლებელი მიზეზი არ უნა იყოს.

„მედიის დამოუკიდებლობა ჩვენი მთავრობის ერთ-ერთ ყველაზე დიდ მიღწევად რჩება. ხელისუფლება არცერთ მედიასაშუალებას არ აკონტროლებს. ბოლო რამდენიმე დღის განმავლობაში თვალს ვადევნებთ სასამართლო დავას ტელეკომპანია „რუსთავი 2“-ის მფლობელობასთან დაკავშრებით. არის მცდელობა, რომ ეს დავა პოლიტიკურ პროცესად გასაღდეს. ყველაფერი გაკეთდება იმისთვის, რომ არცერთი მედიაკომპანიის სამაუწყებლო პოლიტიკაში ჩარევა არ მოხდეს“,-განაცხადა გიორგი კვირიკაშვილმა.