რუსთავი 2-ის დასაცავად ჩვენ ბოლომდე დავდგებით - გვარამიას მიმართვა ხელისუფლებას და პოლიტიკოსებს

პოლიტიკა - 21:35, 29 Oct, 2015

1515

,,რა თქმა უნდა ეს მითია, მედიები ვერ ახდენენ რევოლუციებს. ცვლილებებს ახდენენ ხალხი და პოლიტიკოსები“ - ამის შესახებ რუსთავი 2-ის გენერალურმა დირექტორმა ნიკა გვარამიამ ფარულ აუდიო ჩანაწერებზე გაკეთებულ განცხადებაში აღნიშნა.

,,შეცდომა დაუშვა იმ მედიამაც რომელშიც ახლა ვიმყოფებით როდესაც 2003 წლის მოვლენები საკუთარ დამსახურებად ჩათვალა და გამოაცხადა თავი გამარჯვებული ხალხის ტელევიზიად... ვაფიქსირებ ხაზგასმით რუსთავი 2 არის მედია , ჩვენ ვიღებთ რჩევებს. მადლობა ყველას რჩევისთვის, როგორც ჩანს თავი უნდა შეიკავოთ, იმიტომ რომ პირდაპირ ხაზზე ვართ. მაგრამ ჩვენ ვმოძრაობთ და ვმოქმედებთ ისე, როგორც ჩვენ ვთვლით საჭიროდ დაწყებული ჟურნალისტიდან, დამთავრებული მენეჯმენტით. ჩვენი გადაწყვეტილება არის ასეთი: ჩვენ დავიცავთ „რუსთავი2“-ს . ჩვენი უფლებები ილახება უკანონოდ, თავისუფლებას და საკუთრებას გვართმევენ უკანონოდ.

ჩემი მთავარი ღირებულება ხელისუფლებისთვის არის ის რომ მე რ2-ის გენერალური დირექტორი ვარ და ამ რ2-ის გენერალურ დირექტორ ნიკა გვარამიას ხელისუფლება აშანტაჟებდა ამ ჩანაწერითაც, მისი არსებობა ჩემთვის ცნობილი იყო“ - განაცხადა გვარამიამ.

ტელეკომპანიის დირექტორის თქმით, ხელისუფლებას დაეკისრება პასუხისმგებლობა თუკი რომელიმე ჟურნალისტის უსაფრთხოება ეჭქვეშ დადგება. გვარამიამ ხაზგასმით აღნიშნა, რომ რუსთავი 2 არის დამოუკიდებელი ტელეკომპანია, ხოლო პოლიტიკისებმა თავის გადაწყვეტილებაზე თავად უნდა აიღონ პოლიტიკური პასუხისმგებლობა.

,,თუ შეატყვეთ საკაშვილთან საუბრისას სკეპტიკურად ვიყავი განწყობილი, რომ ვინმე აქ ისროდა, მაგრამ ეს ფაქტი ადასტურებს, რომ ხელისუფლება იმაზე წამსვლელიც არის აქ სერიოზული რისკები შეუქმნას ჩვენს კოლექტივს. ნებისმიერ ვითარებაში ვინც არ უნდა იყოს ინიციატორი, თუ გვერდიდან შემომვლელი , ამ შენობაში მომუშავე რომელიმე ადამიანს ან მისი ოჯახის წევრს ერთი თმის ღერიც თუ ჩამოუვარდება, მთელი პასუხისმგებლობა ეკისრება საქართველოს მოქმედ ხელისუფლებას, ივანიშვილის რეჟიმს, რომელიც თვალთვალის და შანტაჟის ქვეშ გვამყოფებს და მიუხედავად ამისა ვერ გაგვტეხა. დადეთ რაც გინდათ, შეგიძლიათ უფრო შორსაც წახვიდეთ მათ შორის იმ მასალებში, რომლის შესახებაც ჩემთან ისაუბრეთ, ამას ჩემთვის და ჩემი თანამშრომლებისთვის არ აქვს მნიშვნელობა. თქვენ რუსთავი ორს ვერ ჩაიგდებთ ხელში. წერტილი.

რუსთავი ორი არის ამ ქვეყნის დამოუკიდებლობის, დემოკრატიული განვითარების, სიტყვის თავიუფლების გარანტი და ჩვენ ამის დასაცავად დავდგებით ბოლომდე. პოლიტიკური პარტიები რა გზებს გამოიყენებენ ეს მათი ასარჩევი და პასუხისმგებლობის საკითხია. თუმცა მოვუწოდებ გაუფრთხილდნენ საქართველოს თითოეული მოქალაქის სიცოცხლეს“ - განაცხადა გვარამიამ.