,,გაზპრომი“ და დივესიფიკაციის აღმოსავლეთ-დასავლეთის ვექტორი

,,გაზპრომი“ და დივესიფიკაციის აღმოსავლეთ-დასავლეთის ვექტორი - პრეზიდენტის პოზიცია

პოლიტიკა - 16:24, 29 Oct, 2015

1565

,,გაზპრომთან“ დაკავშირებულ შეკითხვას უპასუხა საქართველოს პრეზიდენტმა დიპლომატებსა და არასამთავრობო ორგანიზაციების წარმომადგენლებთან შეხვედრაზე. გიორგი მარგველაშვილის განცხადებით, თუ მთავრობა ფიქრობს დივრსიფიკაციაზე, ის თანხვედრაში უნდა იყოს საქართველოს გეოსტრატეგიულ კურსთან

"ზოგადი აქსიომა ვიცით, რომ ენერგოდივერსიფიკაცია მნიშვნელოვანია, მაგრამ მივუსადაგოთ ეს საკითხი ქართულ რეალობას და დავინახავთ რამდენიმე მნიშვნელოვან მომენტს. საქართველო არა უბრალოდ ენერგიის შემსყიდველი ქვეყანაა, არამედ საქართველო არის მისი გამტარებელი - ტრანზიტის ქვეყანაც. ტრანზიტის მიმართულება ძალიან ნათლადაა ჩამოყალიბებული კასპიიდან შავი ზღვისა და კასპიიდან ევროპისკენ. ასე რომ, ჩვენი ენერგოუსაფრთხოება თვისობრივად ამ ჭრილში განიხილება. დივერსიფიკაციის საკითხი დღესაც არ არის მომწოდებელზე მიბმული. ჩვენ იცით, რომ გვაქვს ჩრილოეთ-სამხრეთიდან სომხეთით გამავალი მილსადენიდან ტრანზიტის ნაწილი, რომელიც რჩება ქვეყანას, ხოლო აღმოსავლეთიდან-დასავლეთით მიმავალ ამ ენერგოგზაზე არ არის მხოლოდ ერთი მომწოდებელი, არამედ რამდენიმე. მაგრამ, თუ ჩვენ ვფიქრობთ მომავალ დივერსიფიკაციაზე, ისიც, ჩემი აზრით, თანხვედრი უნდა იყოს იმ გეოპოლიტიკური და გეოსტრატეგიული კურსისა, რომელსაც ქვეყანა ავითარებს. ამ თვალსაზრისით, მე ძალიან ინტენსიურად ვურთიერთობ ჩვენ თურქმენ პარტნიორებთან და ევროპელ პარტნიორებთანაც. ჩვენ გვაქვს ინტენსიური თანამშრომლობა ყირგიზებთანაც, ასე, რომ თუ დივერსიფიკაციაზეა საუბარი, არსებობს ძალიან საინტერესო დივერსიფიკაციის შესაძლებლობები, დივერსიფიკაციისა მოწოდების თვალსაზრისით, რომელიც კიდევ უფრო გაზრდის საქართველოს სატრანზიტო როლს და მეტიც, დაცულობას. ასე, რომ მე ენერგოპოლიტიკის დეტალებში არ შევალ, მაგრამ ეს ვექტორი უკვე განსაზღვრულია და ამ ვექტორის პარალელურად არსებობს მზარდი შესაძლებლობები იგივე დივერსიფიკაციის მიმართულებით. ეს ვექტორი არის აღმოსავლეთ-დასავლეთი ვექტორი", - განაცხადა გიორგი მარგველაშვილმა.