საპარლამენტო უმრავლესობის დეპუტატის გია ვოლსკის თქმით, დიპლომატები პოლიტიზირებულ პოზიციას გამოხატავენ.

ამის შესახებ დეპუტატმა დიპლომატების მიერ გავრცელებული განცხადების საპასუხოდ განაცხადა.

მისი თქმით, დიპლომატთა კლუბი შედგება იმ დიპლომატებისგან, რომლებიც პირდაპირ არიან დაკავშირებული „ნაციონალურ მოძრაობასთან“ და „რუსთავი 2“-თან.

„მათთან პრეტენზია არავის არ აქვს. პროფესიონალი ადამიანები არიან, იციან დიპლომატიური სამსახურის ავან-ჩავანი და ისიც კარგად უნდა იცოდნენ, რომ როდესაც დიპლომატიურ მისიას, ოფიციალური სტრუქტურის წერილი მიუვა, ის ვალდებულია, რომ გადასცეს ადრესატს. სხვა კომუნიკაციის საშუალება არ არსებობს და დიპლომატიური მისია არ უნდა გამოხატავდეს თავის პოლიტიკურ პოზიციას“, - განაცხადა ვოლსკიმ.