პრემიერ-მინისტრი წამების ამსახველი კადრების გავრცელების ფაქტს კიდევ ერთხელ გამოეხმაურა და აღნიშნა, რომ კადრების საჯაროდ ჩვენება დაუშვებელია.

ირაკლი ღარიბაშვილმა საზოგადოებას, ვინც კადრების გავრცელების შემდეგ აქციებს მართავდა, სიმშვიდისკენ მოუწოდა.

„მახსოვს ჩემი პირველი რეაქცია 2 წლის წინ, როდესაც ეს კადრები ვნახე, მაგრამ მინდა საზოგადოებას მივმართო, გთხოვთ მაქსიმალურად შევინარჩუნოთ სიმშვიდე. ჩვენი ქვეყნის ინტერესებში არის სტაბილურობის უზრუნველყოფა ქვეყანაში. ეს არის ყველაზე მნიშვნელოვანი ჩვენთვის. ჩვენ ვართ იმაზე ძლიერი სახელმწიფო, ვიდრე ვიყავით სამი წლის წინ, მაგრამ ყველას მინდა გითხრათ, რომ არავითარ პროვოკაციას არ დავუშვებთ, არც ერთი მოქალაქის სიმშვიდის დარღვევას არ დავუშვებთ“, - განაცხადა პრემიერმა.