პრემიერ-მინისტრის თქმით, მთავრობა არ აპირებს რომელიმე ტელეკომპანიის მუშაობას ბარიერი შეუქმნას.

ამის შესახებ ირაკლი ღარიბაშვილმა განაცხადა.

მისი თქმით, საქართველო მედიის თავისუფლების თვალსაზრისით რეგიონში ერთ-ერთი ლიდერია და ეს მისი მთავრობის დამსახურებაა.

"3 წლის წინ, არა თუ 10 დღეში, 10 წელიწადში ვერ შეძლებდა ვერავინ ტელევიზიის გახსნას. სწორედ ჩვენი ხელისუფლების დამსახურებაა ის, რომ ჩვენს მიერ გატარებული სწორი და დემოკრატიული რეფორმების შედეგად 10 დღეში შეიძლება გაიხსნას ტელეარხი. ასე რომ, ნუ შფოთავს ნურც "რუსთავი 2", ნურც "ნაციონალური მოძრაობა", ნურც ნურავინ ქვეყნის შიგნით და გარეთ, რომ რაიმე ბარიერებს შევუქმნით რომელიმე არხს. პირიქით, მე ვფიქრობ ეს არის ერთ-ერთი ყველაზე მთავარი მონაპოვარი ჩვენი ხელისუფლების, რომ მედიაგარემო თავისუფალია. ჩვენ მართლაც ამ მხრივ ლიდერები ვართ", - აღნიშნა ღარიბაშვილმა