თოფაძე არც მთავრობის და არც პარლამენტის მთავარი აზრის გამხმოვანებელი არაა- სერგეენკო

პოლიტიკა - 15:49, 28 Oct, 2015

1259

მთავრობის კანცელარიაში მინისტრთა კაბინეტის სხდომა იმართება. სხდომის დაწყებამდე მინისტრებმა ჟურნალისტებთან კომენტარი ქვეყანაში მიმდინარე მოვლენებზე, მათ შორის „რუსთავი2“-ის სასამართლო პროცესთან დაკავშირებით და გოგი თოფაძის მიერ ტელეკომპანიის არსებობის შეწყვეტის შესახებ გაკეთებულ განცხადებაზე გააკეთეს.

„ქონებრივი დავა ყოველთვის სპეციფიურია, მაგალითისათვის ბოლო წლების განმავლობაში ჯანდაცვის სამინისტროს ათეულობით სამედიცინო დაწესებულებაზე გვქონდა ქონებრივი დავა, როდესაც ათასობით ადამიანის ჯანმრთელობა და სიცოცხლე იყო დამოკიდებული ამაზე, თუმცა ვერ ვიხსენებ ვერცერთ შემთხვევას, როცა ამის მეათედი ყურადღება მაინც იყო მიპყრობილი ამ საკითხზე. ცალსახა პოზიცია ჩემი, რომ ეს არის ქონებრივი დავა, განიხილავს სასამართლო და უნდა დაველოდოთ სასამართლო გადაწყვეტილებას“- განაცხადა სერგეენკომ.

მინისტრმა კომენტარი გოგი თოფაძის მიერ გაკეთებულ განცხადებებზეც გააკეთა და აღნიშნა, რომ გოგი თოფაძის მიერ გაკეთებული განცხადება არ წარმოადგენს, არც აღმასრულებელი ხელისუფლების და არც პარლამენტის აზრს, არამედ ეს დეპუტატის პირადი შეხედულებაა:

„ბატონი გოგი თოფაძე არ არის არც აღმასრულებელი ხელისუფლების და არც პარლამენტის მთავარი აზრის გამხმოვანებელი, ის მმართველი გუნდის წევრია და არა პრესსპიკერი, ეს მისი პირადი შეხედულებაა“- აღნიშნა დავით სერგეენკომ.