უმრავლესობის დეპუტატი ომარ ნიშნიანიძე მიიჩნევს, რომ მთავრობამ უნიათობა გამოიჩინა, როდესაც „ნაციონალური მოძრაობა“ არ გაასამართლა.

როგორც დეპუტატმა პლენარულ სხდომაზე განაცხადა, კოჰაბიტაციით ხელისუფლებამ ხალხს და ქვეყანას ცუდი სამსახური გაუწია.

„დიახ, ამ უკუღმა დაბადებულებს, ყველა ერთი საშოდან რომ არიან გამომძვრალი, სანამ უკან არ შევაბრუნებთ, არ ეშველება ქვეყანას. ამ თვითმარქვია გველაძუებს აჩემებული აქვთ ერთი მესიჯი, რომ ჩვენ უნიათოები არიან. შეიძლება მართალიც არიან ნაწილობრივ. რადგან ჩვენ არ დავემგვანეთ ამ უმგვანოებს და სარზე არ ჩამოვაცვით ისინი. ხოლო თუ უფრო სერიოზულად მივუდგებით საკითხს, სამწუხაროდ, ჩვენ მართლაც გამოვიჩინეთ უნიათობა, რომ ეს ანტიქართული, ფაშისტური რეჟიმი არ გავასამართლეთ და არ ავკრძალეთ მათ მიერ ჩადენილი სისტემური დანაშაულებისთვის. ჩვენ თავს მოხვეული კოჰაბიტაციით ცუდი სამსახური გავუწიეთ ქვეყანას და ხალხს", - განაცხადა ომარ ნიშნიანიძემ.