შერჩევითი სამართალი - რატომ გააპარა კოდუა ხელისუფლებამ ქვეყნიდან

შერჩევითი სამართალი - რატომ გააპარა კოდუა ხელისუფლებამ ქვეყნიდან - ელისო კილაძე ფაქტებს ასაჯაროებს

პოლიტიკა - 10:09, 28 Oct, 2015

3684

„ქრონიკა +“-ის მთავარი რედაქტორის ელისო კილაძის ინფორმაციით, სამეგრელოს კასრების საქმეში ერთ-ერთი ორგანიზატორი კოხტა კოდუა ხელისუფლებამ ქვეყნიდან გააპარა.

ამის შესახებ კილაძემ გადაცემა „არჩევანში“ სტუმრობისას განაცხადა.

მისი თქმით, 2013 წელს კოდუა „ქართული ოცნების“ დეპუტატების და მინისტრების პირადი ცხოვრების ამსახველი კადრების გამოქვეყნებასაც გეგმავდა.

„კოხტა კოდუა საქართვლოში იმყოფებოდა 2013 წელს. ჟურნალისტური გამოძიების დროს როდესაც სამეგრელოში ვიმყოფებოდი პირადად ჩემთვის გახდა ცნობილი, რომ კოხტა კოდუა სამეგრელოში აკეთებდა თავისი თანამზრახველების მობილიზაციას. საუბარი იყო ადამიანთა პირადი ცხოვრების, მათ შორის ოცნების დეპუტატების და მინისტრების პირადი ცხოვრების ამსახველი მასალების გამოქვეყნებაზე. მე გადავეცი, ამ პირის საცხოვრებელი მისამართი და ტელეფონი მაშინდელი ძალოვანი უწყების მაღალჩინოსნებს, მაგრამ კოხტა კოდუა საქართველოდან გააპარეს და სამეგრელოს კასრების ერთ-ერთ ორგანიზატორს მისცეს საშუალება ქვეყნიდან გაპარვის. ვსვამ კითხვას, რა დამოკიდებულებაა ეს ადამიანების წამებაში მონაწილე პირების მიმართ?“ - აცხადებს ელისო კილაძე.