„ნაციონალური მოძრაობის“ წევრის გიორგი ვაშაძის თქმით, ხელისუფლება სურს ჩაახშოს „რუსთავი 2“ იმისთვის, რომ არ მოისმინონ განსხვავებული აზრი.

ამის შესახებ ვაშაძემ გადაცემა „არჩევანის“ ეთერში განაცხადა.

დეპუტატი ტელეკომპანიასტან დაკავშირებით გოგი თოფაძის განცხადებასაც გამოეხმაურა და აღნიშნა, რომ თოფაძემ თქვა ის, რაზეც "ქართული ოცნება" ოცნებობს.

„მათ სურთ ჩაახშონ „რუსთავი 2“ იმიტომ, რომ არ სურთ პრობლემების მოსმენა და განსხვავებული აზრი. ქვეყანა კატასტროფულ მდგომარეობაშია. შეიძლება ამ ქვეყნის პრემიერი იყოს ღარიბაშვილი? ის, რასაც „ვაშინგტონ პოსტი“ წერს, შეიძლება ეს მინისტერები გვყავდეს, ან ენერგეტიკის მინისტრი ჩუმად მიდიოდეს „გაზპრომთან“ შესახვედრად? შეიძლება რომ პრემიერი გამოდიოდეს და პირდაპირ მოუწოდებდეს კონფლიქტისა და დაპირისპირებისკენ? შეიძლება, რომ ივანიშვილი დღესაც ჭკუას გვარიგებდეს და საზოგადოებას ცინიკური ტონით ელაპარაკებოდეს. არაფორმალური მართველობა, რომელიც დღეს საქართველოშია, ეს ნონსენსია, ეს არსად არ ხდება. ამიტომაც გვაქვს ჩვენ გასაჭირი, პრემიერი არაფერს წარმოადგენს. თოფაძემ გულწრფელად თქვა თქვენზეც და სტალინთან დაკავშირებითაც. დღეს თოფაძემ თქვა ის, რაზეც ოცნებობს „ქართული ოცნება“. „რუსთავი 2“-ის დახურვა ეს იქნება დასაწყისი ყველა თავისუფალი მედიასაშუალების გაქრობის“, - აღნიშნა ვაშაძემ.