უმრავლესობის წევრი ზაქარია ქუცნაშვილი არასწორად მიიჩნევს, „რუსთავი 2“-ის სასამართლო პროცესებთან გოგი თოფაძის დღევანდელი განცხადების მიბმას.

როგორც ქუცნაშვილმა „არჩევანში“ განაცხადა, დეპუტატის განცხადებასა და სასამართლოს განხილვების შედეგებს შორის ჯაჭვის მოძებნა არასერიოზულია.

„თქვენ ცდილობთ გააზვიადოთ კაბინეტში გადაღებული მიკროფონის გადაწევის კადრები სასამართლოს განხილვების შედეგებთან. არასერიოზულია კაბინეტში მიკროფონის გადაწევის კადრების და ე.წ ჯაჭვის მოძებმა, რაც ასაბუთებს სასამართლოს საქმიანობას. თქვენ რომ ბევრს არ უყვარხართ ამაში სიახლე არაფერია. ადამიანები თავისუფალები არიან ემოციებში. ვირაცას უყვარხართ, ვიღაცას - არა. ამაში გასაკვირს ვერაფერს ვხედავ, მედიის თავისუფლება არც ერთი პოლიტკოსის განცხადებაზე დამოკიდებული არ არის. რაც არ უნდა უყვარდეთ ან პირიქით, ეს არ განაპირობებს თქვენს ყოფნას ან არყოფნას. უმრავლესობაში ბევრმა განიცადა თქვენი აგიტმანქანის შედეგები, ბევრს დააბარალეთ მოღალატეობა, რატომ უნდა უყვარდეთ? ის ხალხს უნდა უყვარდეს და არა უმრავლესობას და ოპოზიციას. რატომ უნდა უყვარდეთ ხელისუფლებას ან ოპოზიციას?“, - განაცხადა ქუცნაშვილმა.

რაც შეეხება ხალვაშის განცხადებას, იმის თაობაზე, რომ არ არის აუცილებელ გარკვეული ფაქტები დოკუმენტურად იყოს დადასტურებული, ქუცნაშვილი ამბობს:

„ეს კაცი ამბოს, რომ 300 ათას ლარად წამართვეს რამოდენიმე მილიონიანი ქონება, მეორე მხარემ უნდა დაამტკიცოს, რომ ეს ღირდა არა 300 ათასი არამედ 1000 ლარი, პირობითად, ამ შემთხვევაში ხალვაშის მტკიცება იქნება არასწორი. დავის საგანი არ არის ის, რომ ხალვაში იყო ყოფილი მესაკუთრე, საუბარი იმაზე, როცა ჩამოართვეს ღირდა კი ეს აქტივი აღნიშნული ფასი? წინა ხელისუფლება კარგად გადაიღებდ თუ ხალვაშს ჩემოდნით აძლევდა ფულს, ამის დიდოსტატები იყვნენ“.