ექსპერტი გია ხუხაშვილი ბიძინა ივანიშვილის განცხადებას ხუმრობას უწოდებს.

როგორც „ნიუპოსტთან“ საუბრისას ხუხაშვილმა განაცხადა, ექსპრემიერმა მისი დამოკიდებულება თანამდებობების მიმართ კარგად იცის.

„მემგონი იხუმრა ბიძინა ივანიშვილმა. ახასიათებს ხოლმე ესეთი ტიპის ხუმრობები. მან მშვენივრად იცის ჩემი დამოკიდებულება ნებისმიერი თანამდებობების მიმართ. მე და გიორგი მეგობრები ვართ და ეს ფორმატი სავსებით გვაკმაყოფილებს. ასე ვაპირებთ გაგრძელებას. გიორგიმ იცის ჩემი დამოკიდებულება თანამდებობის მიმართ. ასევე იცის ივანიშვილმაც. ამიტომ ვფიქრობ, რომ ბიძინა ივანიშვილი დღეს ხუმრობის ხასიათზე იყო“, - განაცხადა ხუხაშვილმა.

ექსპრემიერის ბიძინა ივანიშვილის განცხადებით, პრეზიდენტის მრჩევლის პოსტისთვის ორი წელია ხათუნა ლაგაზიძე და გია ხუხაშვილი იბრძვიან.