"ეს კომიკური პერსონაჟი ივანიშვილმა აიფარა და აფრიალებს როგორც მხარეს"

"ეს კომიკური პერსონაჟი ივანიშვილმა აიფარა და აფრიალებს როგორც მხარეს" – ზაზა ბიბილაშვილი ხალვაშის განცხადებაზე

პოლიტიკა - 16:02, 27 Oct, 2015

1851

"ეს კომიკური პერსონაჟი ივანიშვილმა აიფარა და აფრიალებს როგორც მხარეს," - ასე გამოეხმაურა TVსაქართველოს იურისტი ზაზა ბიბილაშვილი ქიბარ ხალვაშის განცხადებას, რომელიც მან ქართველ ჟურნალისტებთან საუბრის დროს გააკეთა. ქიბარ ხალვაშმა ვერც ჟურნალისტებთან საუბრის დროს ისაუბრა იმ მტკიცებულებების შესახებ, რომლითაც დადასტურდება, რომ მას რუსთავი2 წაართვეს.

"ის, რასაც ჩვენ ვუყურებთ არის კომიკური. ეს პერსონაჟი ბიძინა ივანიშვილმა აიფარა და აფრიალებს როგორც მხარე. თუ მხარეს მართლა უნდა რომ გამოცხადდეს სასამართლო პროცესზე, გარდა იმისა, რომ ურთმელიძე არის მხარე რეალურად და ის მოქმედებს ხელისუფლების დახმარებით, მაშინ კარგი იქნება ოლიგარქი თავად მოვიდეს ხვალ პროცესზე და დაესწროს მას. რას ლაპარაკობს ქიბარ ხალვაში, არასერიუზული იქნება იმაზე კომენტარი, რომ თურმე ხანდაზმულობა სააკაშვილის მოგონებულია, რომ დამალოს თავის დანაშაულები. მაგალითად, ის ამბობს, რომ სასამართლოში არ არის მნიშნველოვანი რა დოკუმენტებია წარდგენილი, ჩვენ ვამბობთ რომ არაფერი არ არის წარდგენილი. შესაბამისად, დოკუმენტების გარეშე მხოლოდ იმიტომ, რომ ვიღაც ქიბარ ხალვაში მოვიდა, ვიღაც ურთმელიძე დაიქირავა ხელისუფლებამ და ამისთვის გადაწყვეტილება გამოიტანოს, ასე არ ხდება გადაწყვეტილებების მიღება, უფრო სწორედ შეიძლება მოხდეს საქართველოში იმიტომ, რომ ბნელა," - განაცხადა ზაზა ბიბილაშვილმა.