,,რა მნიშვნელობა აქვს დოკუმენტს, რა წერია... სასამართლო არ ეხება დოკუმენტს“

,,რა მნიშვნელობა აქვს დოკუმენტს, რა წერია... სასამართლო არ ეხება დოკუმენტს“ - რა მტკიცებულება აქვს ხალვაშს

პოლიტიკა - 15:45, 27 Oct, 2015

1691

მე ვიყიდე 7 მილიონ დოლარად... თქვენთვის რა მნიშვნელობა აქვს დოკუმენტში ჩანს თუ არ ჩანს? - ეს განცხადება ქიბარ ხალვაშმა პრეზიდენტის სასახლიდან გამოსვლის შემდეგ ჟურნალისტებთან გააკეთა.

მისი თქმით, პროკურატურაში საქმე შეტანილი, თუმცა ხალვაში ამბობს, რომ პროკურატურის მხრიდან ვერ ხერხდება ,,სამართლიანობის აღდგენა“. ხალვაშმა ის თანხებიც დაასახელა რამდენად შიძინა და შემდეგ გაყიდა ტელეკომპანია.

,,სასამართლო არ ეხება დოკუმენტს, რამდენად ვიყიდე მე, სასამართლო არის საუბარი რამდენი მომცემს იმაში, რაც ღირდა გაცილებით მეტი. ნუ გადაგყავთ თემა სხვა რაკურსში. ეს საქმე შეტანილია პროკურატურაში და სამწუხაროა, რომ პროკურატურა ვერ ახერხებს სამართლიანობის აღდგენას. მე გადავიხადე 7 მილიონ 300 ათასი, ხელშეკრულებაში რა წერია არ მახსოვს, მაგრამ დვალს და აქიმიძეს გადავუხადე 1 მილიონ 200 ათასი, ტაბატაძეს 100 ათასი და 6 მილიონი გადახდილი იყო, პროკურატურაში ეს წერია, არ მინდა პრესის წინაშე ვთქვა და მერე რუსთავი 2-მა გამოიყენოს ჩემს წინააღმდეგ“, - განაცხადა ხალვაშმა.

რაც შეეხება ჟურნალისტის კითხვას ხანდაზმულობასთან დაკავშირებით, ხალვაში ამობს, რომ ხანდაზმულობის საკითხი მოგონილია სააკაშვილის მიერ.