პრეზიდენტის და ქიბარ ხალვაშის შეხვედრა ცოტა ხნის წინ დასრულდა. როგორც ბიზნესმენმა ჟურნალისტებთან საუბრისას განაცხადა, გიორგი მარგველაშვილს ტელეკომპანიის ირგვლივ მიმდინარე დავაზე და მის სარჩელზე დეტალები გააცნო.

ქიბარ ხალვაშის თქმით, მან სთხოვა პრეზიდენტს, რომ მონიტორიგნი გაუწიოს სასამართლოს სხდომებს. როგორც ბიზნესმენი ამბობს, „ნაციონალური მოძრაობის“ მხრიდან სასამართლოზე ზეწოლა ხორციელდება.

„სასამართლო ზეწოლას განიცდის „ნაციონალური მოძრაობის“ მხრიდან. არის მცდელობა, რომ გადაწყვეტილებაზე ზეწოლა მოახდინონ. პრეზიდენტს ვთხოვეთ, რომ მისი წარმომადგენელი დაესწროს პროცესებს. იგი დახმარებას დაგვპირდა. ჩვენ ავუხსენით სხვადასხვა სამართლებრივი ასპექტები. მან თქვა, რომ არ არის იურისტი და დასკვნებს ვერ გააკეთებს. ცოტა ვრცელი საუბარი გვქონდა. ისტორია მოუყევი როგორ მოხდა ყველაფერი და საქმის კურსში ჩავაყენე. გუშინ მოპასუხე მხარეს ვუსმინე „კურიერში“ და მე კიდევ ერთხელ ვამბობ, მე პრეტენზია მაქვს „რუსთავი 2“-ზე და რაც შეეხებათ იმ ადამიანებს, ვინც გუშინ იქ იყვნენ, მე მათთან მუშაობის სურვილი მაქვს. თუმცა ერთ დასკვნამდე მივედი, ტყუილში მართალს არ ურევენ“, - განაცხადა ხალვაშმა.