"თუ ვინმე რ2-ის ტერიტორიაზე პირადი ცხოვრებითაა დაკავებული, ინსპექტორს მიმართონ"

"თუ ვინმე რ2-ის ტერიტორიაზე პირადი ცხოვრებითაა დაკავებული, ინსპექტორს მიმართონ" - კობახიძე

პოლიტიკა - 20:11, 26 Oct, 2015

1780

ახსნა-განმარტებების გარეშე ტელეკომპანიის თვალთვალზე აყვანასთან დაკავშირებით, “რუსთავი2“-ის გენერალური დირექტორის ნიკა გვარამიას მხრიდან სამართალდამცავების მისამართით გამოთქმულ პრეტენზიას პარლამენტის ვიცე სპიკერი მანანა კობახიძე გამოეხმაურა. კობახიძის თქმით მონიტორინგი კომპანიის თანამშრომლების უსაფრთხოებისთვის ხორციელდება, მაგრამ თუ გვარამია ფიქრობს, რომ ამით ვინმეს პირადი ცხოვრება ირღვევა მას შეუძლია პერსონალური დაცვის ინსპექტორს მიმართოს:

“მემგონი, პირველ რიგში, გვარამიამ უნდა მიმართოს პერსონალურ მონაცემთა დაცვის ინსპექტორს. ჩვენ ეს პირი ავირჩიეთ, პარლამენტმა ნდობა მივანიჭეთ, მივიღეთ კანონი, რომელიც იცავს ადამიანის პირადი ცხოვრების ხელშეუხებლობას. თუ რაიმე ირღვევა გვარამიასთან მიმართებაში, ბუნებრივია, ამისთვის არის ეს უწყება. არ არის გამორიცხული, რომ ვიღაცას ჰქონდეს ბოროტი განზრახვები ამ კომპანიის მიმართ. სწორედ მათივე უსაფრთხოებისთვის თუ დამონტაჟდა, ამაში ცუდი არაფერია. მაგრამ თუ ბატონი გვარამია ფიქრობს, რომ ვინმეს პირადი ცხოვრება ირღვევა და რუსთავი 2-ის ტერიტორიაზე ან მის მიმდებარედ ვინმე პირადი ცხოვრებით არის დაკავებული და შეიძლება, ეს ჩანაწერი მის საზიანოდ გამოიყენონ, მიმართონ პერსონალური დაცვის ინსპექტორს. ”