მხოლოდ ამ დოკუმენტზე დაყრდნობით ძიება გამომძიებლებს დააზარალებს- უსუფაშვილი უკრაინულ ვიკილიქსზე

პოლიტიკა - 16:38, 26 Oct, 2015

1855

პარლამენტის თავმჯდომარე სუს-ის მიერ 315-ე მუხლით დაწყებულ გამოძიებას, დღეს ბიუროს სხდომაზე გამოეხმაურა. უსუფაშვილის თქმით მნიშვნელოვანია ის თუ რა მასალები გააჩნია გამოძიებას, როგორც პარლამენტის თავმჯდომარემ აღნიშნა თუ გამოძიება მხოლოდ უკრაინული ვიკილიქსის მასალებზე დაყრდნობით აპირებს გამოძიებას, ეს ფაქტი გამოძიების მწარმოებელ ადამიანებზე დადებითად არ აისახება. ამასთანავე უსუფაშვილი არ დაეთანხმა „ნაციონალური პარტიის“ წარმომადგენლების განცხადებას იმასთან დაკავშირებით, რომ ენმ-ს მიმართ განხორციელებულ ქმედებებს ხელისუფლება ახალისებს.

„არავითარი ძალადობის წახალისება არ ხდება, აღნიშნულ ფაქტებს შესაბამისი ორგანოები მიაქცევენ ყურადღებას.“- აღნიშნა უსუფაშვილმა.

უსუფაშვილის თქმით მნიშვნელოვანია რომ სუს-ის მიერ 315-ე მუხლით დაწყებული გამოძიება გამჭვირვალედ წარიმართოს. პარლამენტის თავმჯდომარის განცხადებით მალე გამომზეურდება, თუ რა ფაქტებზე დაყრდნობით მოხდა გამოძიების დაწყება:

„თუ მსგავს გამოძიებას საფუძვლად უდევს მხოლოდ ის დოკუმენტი, ეს ძალიან მალე გამომზეურდება და ეს იქნება უკიდურესად დამაზარალებელი იმ ადამიანებისთვის ვინც ასეთი გამოძიება დაიწყო ასეთ დოკუმენტზე, თუ სხვა საფუძველი აქვთ ესეც მალე გამოჩნდება. მთავარია, რომ ასეთი საკითხების გამოძიებაც და სასამართლო წარმართვაც იყოს გამჭვირვალე, არ დაირღვეს ადამიანების უფლება.“- განაცხადა დავით უსუფაშვილმა.