"ქვეყანას სჭირდება განვითარება და არა ეს გაუთავებელი ცოცხის ტრიალი"

"ქვეყანას სჭირდება განვითარება და არა ეს გაუთავებელი ცოცხის ტრიალი" - ელისაშვილი

პოლიტიკა - 13:57, 26 Oct, 2015

1411

წამების კადრების გავრცელებას და ამ ფაქტთან დაკავშირებით პოზიცია-ოპოზიციის გამოხმაურებებს, საკრებულოს დამოუკიდებელი დეპუტატი ალექსანდრე ელისაშვილი სოციალურ ქსელში ეხმაურება:

„1. ძალიან უპასახუსმგებლოდ და არასერიოზულად გამოიყურება ნაციონალური მოძრაობა როდესაც ისევ ამტკიცებს ციხეში წამება არ იყო და ბედუკაძის დადგმული სცენები იყო მხოლოდ და მხოლოდო.

2. ძალიან უპასუხუსმგებლოდ და არასერიოზულად გამოიყურება ქართული ოცნება, როდესაც ხელისუფლებაში ყოფნის მეოთხე წელს ისევ და ისევ წამების კადრები აქვს შესათავაზებელი მოქალაქეებისთვის. კადრები რომელთა ჩამდენების დასასჯელად 3 წელი ჰქონდათ.

არადა, ეს ქვეყანა არის ღარიბი, ძალიან ღარიბი. ლარის კურსის ვარდნამ და ეკონომიკურმა სტაგნაციამ კიდევ უფრო გააღარიბა ადამიანები. სამუშაო ადგილები, ეკონომიკის გაჯანსაღება, პატარა, ეფექტური და მართლა წელზექამარშემოჭერილი ბიუროკრატია და მის მიერ გატარებული გადაუდებელი რეფორმები გვჭირდება და არა ეს გაუთავებელი იწილო-ბიწილო ოცნება-ნაციონალებს შორის. ქვეყანას სჭირდება განვითარება და მიზანდასახული სვლა ამ მიმართულებით და არა ეს გაუთავებელი ცოცხის ტრიალი“- წერს ალექსანდრე ელისაშვილი.