თავდაცვის მინისტრი თინა ხიდაშელი მზად არის ნატოს გენერალური მდივნის სპეციალურ წარმომადგენელს „რუსთავი 2“-თან დაკავშირებით მას საგამოძიებო კომისიის დასკვნა გააცნოს.

თუმცა როგორც ხიდაშელმა ჟურნალისტებთან საუბრისას განაცხადა, ტელეკომპანიის გარშემო მიმდინარე პროცესებთან დაკავშირებით ჯეიმს აპატურაისთან საუბარს არ აპირებს.

„ამ თემაზე მე მასთან საუბარს არ ვაპირებ, მაგრამ სიამოვნებით გავაცნობ მას საგამოძიებო კომისიის დასკვნას „რუსთავი 2“-ის და ტელეკომპანია „საქართველოს“ შესახებ. ეს არის სასამართლო პროცესი, რომელსაც მე არ ვესწრები და იცით კომენტარს არ ვაკეთებ, რადგან არსებობს ისეთი ტიპის ღონისძიებები ქვეყანაში, რომელზე საუბრისგან პოლიტიკოსები რაც უფრო შეიკავებენ თავს, მით უფრო სასარგებლო იქნება ამ პროცესისთვის " - განაცხადა თინა ხიდაშელმა.