უსუფაშვილი თანახმაა პრეზიდენტს შეხვდეს -"არ მგონია ქვეყანაში საგანგებო ვითარება არსებობდეს"

პოლიტიკა - 17:47, 25 Oct, 2015

1995

საქართველოს პრეზიდენტის მიმართვას საქართველოს პარლამენტის თავმჯდომრე ეხმაურება, დავით უსუფაშვილი ამბობს, რომ ის არ იზიარებს პრეზიდენტის შეხედულებას, თუმცა, ქუთაისში წასვლამდე, ავლაბრის რეზიდენციაში აუცილებლად მივა. პარლამენტის თავმჯდომარე არ თვლის რომ ქვეყანაში საგანგებო მდგომარეობის წინაპირობაა და მიაჩნია, რომ ამ საკითხზე მედიით საუბარს, უმჯობესია პირისპი საუბარი.

"პრეზიდენტს არაერთხელ შევხვედრილვარ კიდევ არაერთხელ მომიწევს შეხვედრა. მასთან საქმიანი ურთიერთობა, ეს არის აუცილებელი მიუხედავად იმისა, რომ ცალკეულ საკითხებზე შეიძლება გვქონდეს განსხვავებული პოზიცია. არ მგონია, რომ კონკრეტული პრობლემების ხარისხი და სიღრმე არის იმ ზომის და დონის, რომ ის საფრთხეს უქმნიდეს ქვეყნის კონსტიტუციურ წესრიგს ან სერიოზული საგანგებო ვითარება არსებობდეს. ამაზე მედიით საუბარს ჯობია პირისპირ საუბარი. მე თუ მოვახერხებ ამ დღეებში სანამ ქუთაისში წავალ პრეზიდენტთან საუბარს მექნება საუბარი, რომ ცალკეული პრობლემები არის ბევრი მიმართულებით, მაგრამ ამ პრობლემების ერთობლიობა არ ქმნის ისეთ საგანგაშო სურათს რასაც პრეზიდენტი ხედავს, თუმცა მე მასაც მოვუსმენ, შეიძლება რამე სხვა არგუმენტები აქვს,"- აცხადებს დავით უსუფაშვილი.