,,სასამართლოში შუამდგომლობა შევა, რომ ,,განსხვავებული აქცენტები“ ეთერში აღარ გავიდეს“

,,სასამართლოში შუამდგომლობა შევა, რომ ,,განსხვავებული აქცენტები“ ეთერში აღარ გავიდეს“ - ნინო ჯღარკავა

პოლიტიკა - 14:42, 25 Oct, 2015

4055

გადაცემა ,,განსხვავებულ აქცენტებში“ დაანონსებულ მიმოწერას ნინო ჯღარკავა სიყალბეს უწოდებს და სასამართლოში ჩივილის აპირებს. ეს განცხადება ჯღარკავამ სპეციალურ პრესკონფერენციაზე გააკეთა. გადაცემის ანონსში საუბარია ჯღარკავას და ვლადიმერ ბედუკაძის მიმოწერაზე. "დღეს დაამთავრებს კვესიტაძე ჟურნალისტიკასთან ურთიერთობას,"- აცხადებს ჯღარკავა და ის გადაცემის შეჩერებას, ხოლო ტელეკომპანიისგან, მორალური ზიანის ანაზღაურების სახით 100 ათასი დოლარს ითხოვს.

"ვერაფრით წარმოვიდგენდი, რომ მოვაწყობდი ბრიფინგს ჩემი კოლეგის წინააღმდეგ. სამართალდამცავებთან მაქვს კონტაქტი და აღიძვრება სისხლის სამართლის საქმე. ანონსში მითითებულია ჩემი და ბედუკაძის მიმოწერა თითქოს რაღაც თანხა გადავურიცხე მის მეუღლეს და მოკლედ მოლაპარაკება არის აბსურდი. ეს არის ფოტოშოპი, ფეიკია ამ ფეიკს ადასტურებს ის, რომ მე მაცვია მაისური რომელიც სტამბულში შევიძინე ესეც ადასტურებს, რომ ფეიკია. მაისური სტამბულში შევიძინე იქ ვიყიდე და როგორ დავწერდი, რომ სტამბულში გავუგზავნიდი ფულს ბედუკაძის მეუღლეს? ეს ფეიკი შარშან ზაზა გაბედავამ მომაწოდა. ეს ფეიკი სიცილად არ ჰყოფნიდათ ლაშა ბერულავას, ელისო კილაძეს, მეც, ზაზა გაბედავას, ირმა ინაშვილს ჰქონდა ნანახი. ეს ფეიკი შარშან ზაზა გაბედავამ მომაწოდა. ასევე 2014 წელს ლაშა ბერულავამ და მან მიაწოდა ეკა კვესიტაძეს. ანონსშია სევე საუბარი იყო, ეროსი კიწმარიშვილზეც, ეს რა შუაშია არ ვიცი. დიდ მადლობას გადაგიხდით ქალბატონო ეკა, თუ ეროსის მკვლელობასაც მე არ მომაწერთ“, – განაცხადა ნინო ჯღარკავამ.

მისივე თქმით ის ამ ამბავთან იმ მიზეზით დააკავშირეს, რომ არის თამაზაშვილის და ზოგადად ღარიბაშვილის ოჯახის მეგობარი.