საქართველოს ყოფილი პრემიერ-მინისტრი ბიძინა ივანიშვილის განცხადებით გიორგი მარგველაშვილმა ქვეყანაში შექმნილ ვითარებასთან დაკავშირებით უპასუხისმგებლო განცხადებები გააკეთა და პრეზიდენტმა კანონი დაარღვია, როდესაც მოსამართლის მისამართით მოწოდება გააკეთა. ამის შესახებ ივანიშვილმა ტელეკომპანია „იმედის“ გადაცემა „ქრონიკაში“ ისაუბრა. ივანიშვილი პრეზიდენტ გიორგი მარგველაშვილს ქვეყანაში სამოქალაქო დაპირისპირების საფუძველის შექმნაში ადანაშაულებს:

„აბსოლუტურად უპასუხისმგებლო იყო მისი განცხადება. კიდევ ერთი სიურპრიზი შეცდომების და კიდევ ერთ გაუგებრობაში მოხვდა ეს კაცი. კაცი, რომელსაც კონსტიტუციური ბალანსი ევალება... სასამართლოზე ჯერ როგორ იკადრა, მან დაარღვია კანონი სხვათაშორის. კანონის სადარაჯოზე მდგომად უნდა თავი მოგვაწონოს, ამ დროს თვითომ არღვევს. არავითარი უფლება არ ქონდა მოსამართლეს მიანიშნოს, ისევე როგორც არ ქონდა უფლება განაცხადოს, რომ კონსტიტუციური ბალანსი უნდა დაიცვას. სხვათა შორის ხიდაშელმა უპასუხა ძალიან კარგად. მეც უფრო მწვავედ ვუპასუხებდი. არაფერი არ ხდება, გარდა ამ ორიათასი კაცისა. ორიათას კაცს ნებისმიერ ქელეხზე მოაგროვებ. რუსთავი ორი დაათრევს ამ საცოდავ ორიათას კაცს, ზოგს ფულს უხდის, ზოგი ნათესავია, ზოგი მეგობარია. არავითარი სამოქალაქო დაპირიპისრება არ ხდება და ვინც ასეთ განცხადებებს აკეთებს სწორედ მათ უნდათ რომ „გააპრავონ“ ნაციონალური მოძრაობა. ის ვინც ამას აცხადებს, სწორედ ნაციონალურ მოძრაობას უჭერს მხარს და მასაც ეს ქონდა საფუძვლად, მისი განცხადების შემდეგ ორ საათში ნიუორკთაიმსი აქვეყნებს და აქებს პრეზიდენტს. ვისი გაკეთებულია ეს? მარგველაშვილს სად აქვს ამის რესურსი? იაკობაშვილი, რომელიც დღემდე რჩება აშშ-ში ნაციონალების ელჩად, ან ვიღაც ამის მსგავსი 5 წუთში აქვეყნებინებენ. თვითონ მოუწევს პასუხის გაცემა, გაიგო ჩემი აზრით შემდეგი რეაქციების მიხედვით ეს უმეცრება. სამოქალაქო დაპირისპირების საფუძველი არ არსებობს , პრეზიდენტს უნდა რომ შექმნას ეს საფუძველი, ეჭვი მაქვს, რომ მისი განცხადება სწორედ ამას ემსახურებოდა.“- განაცხადა ბიძინა ივანიშვილმა.