,,რუსთავი 2 ნაციონალური მოძრაობის ქსელია“ - ივანიშვილი მთავრობის პოზიციას ეთანხმება

პოლიტიკა - 20:29, 24 Oct, 2015

1435

საქართველოს ყოფილი პრემიერ-მინისტრი ბიძინა ივანიშვილი ტელეკომპანია „იმედის“ გადაცემა „ქრონიკაში“ „რუსთავი2“-ის ირგვლივ მიმდინარე პროცესებს გამოეხმაურა. ივანიშვილის თქმით ის იზიარებს მთავრობის პოზიციას იმასთან დაკავშირებით, რომ სასამართლოში დავა ორ მფლობელს შორის მიმდინარეობს და „რუსთავი2“-ს როგორც კრიტიკულ ტელევიზიას არავინ არ ებრძვის. ივანიშვილმა შექმნილი პროცესები აჟიოტაჟად და ისტერიკად შეაფასა და პარალელი ტელეკომპანია „მაესტროსთან“ გაავლო:

„მაესტროშიც მიდის მფლობელებს შორის დავა მაგრამ არავითარი ისტერიკა ამას არ ახლავს, რა ხდება „რუსთავი2“-ში, იქნებ მათ სასარგებლოდ წყდება ყველაფერი. გაკეთდა ისეთი განცხადებები რომელსაც ვერ ასაბუთებენ, მარჩიელობენ. არაფერი არ ხდება, მაესტროს ირგვლივ მიუხედვად იმისა, რომ ეს პროცესი არის არანაკლებ მწვავე, როგორც მე ვიცი და როგორც ინფორმაცია ჟონავს. რატომ არის წინასწარ აჟიოტაჟი „რუსთავი2“- თან. მთავრობა ვერცერთ მედია საშუალება ვერ აკონტროლებს. მთავრობას არ აქვს თავისი ტელევიზია. კარგი იქნებოდა როდესაც „რუსთავი2“ ვაკრიტიკებდი, მათ მაგივრად „ნაციონალური მოძრაობა“ მეხსენებინა. ეს ნაციონალური მოძრაობის ქსელია, მარტო „რუსთავი2“ არაა ინტერნეტშიც უამრავი საიტი აქვთ“- განაცხადა ბიძინა ივანიშვილმა.