"შეთქმულების თეორია პრეზიდენტით და მისტიური "გაგუშათი"... ტრაგიკული ვითარებაა"- გაბაშვილი

პოლიტიკა - 16:33, 24 Oct, 2015

679

სახელმწიფო უსაფრთხოების სამსახურის მიერ 315- მუხლით გამოძიების დაწყებას, „ნაციონალური მოძრაობის“ ერთ-ერთი ლიდერი გოკა გაბაშვილი გამოეხმაურა.

მისივე თქმით, არ ეგონა, რომ რუსულ საიტზე ატვირთული ამ ნაბოდვარის გამო კომენტირება მოუწევდა.
"ეს როგორც ნაბოდვარიც, ძალიან არასერიოზულად შესრულებული ნაბოდვარია. ძალიან ბევრი ლაფსუსებითა და სასაცილო ნიუანსებით. ვიღაცამ გადაწვიტა ერთიანად გადაჭრას პრობლემა და დაწყებული პრეზიდენტ მარგველაშვილით დამთავრებული ვიღაც მისტიური "გაგუშათი", შეთქმულების თეორია შექმნა, მაგრამ სამწუხარო ამ ვითარებაში არის ის, რომ ამაზე სახელმწიფო იწყებს გამოძიებას. სუსი სერიოზული სახით დგას და აცხადებს, რომ სახელმწიფო გადატრიალების დაგეგმვაზე არის დაწყებული გამოძიება. ეს მხოლოდ ასუსტებს სახელმწიფოს და მასხრად ასაგდებად ხდის სახელმწიფო ინსტიტუტებს. მათ შორის ქვეყანის უსაფრთხოების სისტემას. თუ ასეთ რაღაცეებს ივანიშვილის პირადი უსაფრთხოების სამსახური გააკეთებს, რომელიც დღეს სახელმწიფოს უსაფრთხოების სამსახურია, ეს არაფერი კარგით ქვეყნისთვის არ დასრულდება. ეს არის ძალიან სერიოზული ვითარება. ამას ძალიან სერიოზულად აღიქვამს სახელმწიფო. ტრაგიკული ვითარებაა. პრინციპში, ეს იქნებოდა მხოლოდ გასართობი მასალა და სოციალურ ქსელებში დასაცინი სისულელე, რომ არა სერიოზულ ფსიქიკურ პრობლემებში მყოფი ხელისუფლება, რომელიც ამას სერიოზულად აღიქვამს", _ განაცხადა გაბაშვილმა.

გავრცელებული ინფორმაციით სუს-ის მიერ ხელისუფლების შესაცვლელად შეთქმულების მუხლით გამოძიების დაწყების ერთ-ერთი საფუძველი ე.წ "უკრაინული ვიკილიქსის" მიერ გამოქვეყნებული მასალა გახდა, სადაც სტამბოლის აეროპორტში მიხეილ სააკაშვილის და გიგა ბოკერიას შეხვედრა და საუბარია აღწერილი.