,,თუ არ ვცდები სააგენტო, რომელმაც ეს დადო არის შსს-სთან აფილირებული“ - ბოკერია 119-ე მუხლით დაწყებულ გამოძიებაზე

პოლიტიკა - 15:15, 24 Oct, 2015

3317

სახელმწიფო უსაფრთხოების სამსახურის მიერ 315- მუხლით გამოძიების დაწყებას, „ნაციონალური მოძრაობის“ საგარეო მდივანი გიგა ბოკერია გამოეხმაურა. გავრცელებული ინფორმაციით სუს-ის მიერ ხელისუფლების შესაცვლელად შეთქმულების მუხლით გამოძიების დაწყების ერთ-ერთი საფუძველი ე.წ "უკრაინული ვიკილიქსის" მიერ გამოქვეყნებული მასალა გახდა, სადაც სტამბოლის აეროპორტში მიხეილ სააკაშვილის და გიგა ბოკერიას შეხვედრა და საუბარია აღწერილი.

„ეს ყველაფერი არის ივანიშვილის პასუხი იმ ღრმა კრიზისზე, რომელშიც მან ქვეყანა შეიყვანა. პრეზიდენტ სააკაშვილთან რეგულარულად მაქვს შეხვედრები, ახლა კი არა, რეგულარულად. ასე რომ აქ რა არის აღსანიშნავი, ვერც კი ვხვდები, გარდა იმ ძალიან სასაცილო ბოდვისა, თუ არ ვცდები ეს სააგენტო, რომელმაც ეს დადო არის შინაგან საქმეთა სამინისტროსთან აფელირებული. მე დღეს ღამე მივემგზავრები ლონდონში, სასამართლოს უნდა მივცე ჩვენება პოლიტიკურ დევნასთან დაკავშირებით. ამას იმიტომ ვიძახი, რომ ამასაც არ მოყვეს შემდეგ დამატებითი ბოდვა.

ეს ყველაფერი იქნებოდა დასაცინი, რომ არა საერთო ვითარება ქვეყანაში, რომ არა "რუსთავი 2"-ის ხელში ჩაგდების ღია მცდელობა ივანიშვილის მხრიდან, რომ არა დაჭერა "რუსთავი 2"-ის მხარდამჭერი აქტივისტებისა, რომ არა მივარდნები ოფისში, რომ არა პრემიერ-მინისტრის ღია მოწოდება ძალადობისკენ და კონსტიტუციური წყობიდან გასვლისკენ, ეს ყველაფერი რომ არა უბრალოდ დავცინებდით ამას. მაგრამ, ვითარება სერიოზულია არა ამ სამარცხვინო ბოდვის გამო, არამედ ამ საერთო ვითარების გამო. ჩვენ ვხედავთ, რომ ივანიშვილი დარწმუნდა იმაში, რომ მინიმალურად დემოკრატიულ არჩევნებშიც კი შემდეგ წელს მას შანსი არ აქვს ძალაუფლების შენარჩუნების და ერთი წლით ადრე ცდილობს გაანეიტრალოს საზოგადოებაში ის ინსტიტუტები, რომლებიც ძალაუფლების შენარჩუნებაში ხელს შეუშლის. ამით არის ეს ყველაფერი გამოწვეული, პირველ რიგში "რუსთავი 2"-ის ამბავი, დაჭერები, ეს ღია და სამარცხვინო ამაზრზენი მოწოდებები, ეს არის პრობლემა ივანიშილის და მისი თოჯინები ღრმად ცდებიან, ისინი ცუდად დაამთავრებენ - დამარცხდებიან; სამწუხაროდ, ამ პროცესში ქვეყანას აზიანებენ“- განაცხადა გიგა ბოკერიამ.