შსს-ს "რუსთავი2"-ის მიმდებარე ტერიტორია კონტროლქვეშ აჰყავს- ბრიფინგი სამინისტროში

პოლიტიკა - 12:05, 24 Oct, 2015

3252

ტელეკომპანია რუსთავი 2-ის ტერიტორიაზე დამონტაჟდება კამერები, რომელითაც 24 საათის განმავლობაში გაკონტროლდება ტელეკომპანიის მიმდებარე ტერიტორია. ამასთანავე „რუსთავი2“-ის ტერიტორიაზე იმორიგევებს საპატრულო პოლიციის ეკიპაჟებიც. ამის შესახებ განცხადება შინაგან საქმეთა სამინისტროში გამართულ სპეციალურ ბრიფინგზე უწყების საზოგადოებასთან ურთიერთობის დეპარტამენტის დირექტორმა თეა პერტაიამ გააკეთა.

„სახელმწიფო უსაფრთხოების სამსახურის კონტრდაზვერვის დეპარტამენტის მიერ ჩატარებული ოპერატიულ სამძებრო ღონისძიებებისა და მედიასაშუალებებში გავრცელებული ინფორმაციის საფუძველზე დაიწყო გამოძიება საქართველოს სისხლის სამართლის კოდექსის 315-ე მუხლის 1 ნაწილით, რაც ითვალისწინებს შეთქმულებას სახელმწიფო ხელისუფლების დასამხობად ან ხელში ჩასაგდებად. შექმნილი ვითარებიდან გამომდინარე ჩვენი ქვეყნის მოსახლეობის უსაფრთხოებისთვის შს სამინისტრო იღებს განსაკუთრებულ ზომებს. რ2-ის მიმდებარე ტერიტორიაზე დამონტაჟდება ვიდეო მეთვალყურეობის კამერები, რომელთა მეშვეობითაც მთელი პერიმეტრის 24 საათიანი მონიტორინგი მოხდება, ამასთანავე ამ ტერიტორიაზე დღე-ღამის განმავლობაში მუდმივად იმორიგევებენ საპატრულო ეკიპაჟები, რათა უზრუნველვყოთ მოქალაქეების, მათ შორის "რუსთავი 2"-ის თანამშრომლების უსაფრთხოება და თავიდან ავირიდოთ მოსალოდნელი პროვოკაციები“- განაცხადეს შსს-ში