,,როდესაც იმედი დაიხურა, მე მაშინ გადავდექი“ - სააკაშვილის მიმართვა რუსთავი 2-თან დაკავშირებით

პოლიტიკა - 22:09, 23 Oct, 2015

4175

რუსთავი 2-თან დაკავშირებით განცხადება გააკეთა საქართველოს ყოფილმა პრეზიდენტმა, მიხეილ სააკაშვილის თქმით, ქართული საზოგადოება არ დაუშვებს საქართველოს ჭაობში დაბრუნებას, სააკაშვილი ურჩევს ხელისუფლებას, მოიქცეს ისე, როგორც ის მოიქცა 2007 წელს იმედის დახურვის დროს.

,,საქართველოს მძიმე დღეები უდგას, ცდილობენ ისევ შეგვათრიონ იმ ჭაობში, საიდანაც ამოვძვერით, მაგრამ ვერანაირი მანიაკალური არსებები, ვერანაირი მცდელობა ჭორვილიზაციის ვერ შეძლებს ჩაკლას ერში თავისუფალი სიტყვის სიყვარული. ჩვენ ყველა ამ დაბრკოლებას გადავლახავთ. რუსთავი 2 იქნება თავისუფალი და საქართველო იქნება თავისუფალი. ვერავინ შეძლებს ჩვენი ქვეყნის გაბანძებას, როგორც ეს მტერს უნდა. უნდა გვახსოვდეს, რომ სიცრუით მოსული, ბოროტებაზე დაფუძნებული ძალები არიან ძალიან სუსტები და განსაკუთრებით ამ მომენტში. ამიტომ არ ღირს მათი შიში, მათ არაფერი უჭირავთ ხელში, რომ თქვენ დაგაშინონ. მე მჯერა ქართული საზოგადოების სიბრძნის და მათ შორის ჩვენი ახალგაზრდობის პატროტიზმის და თავისუფლების სიყვარულის. ყველანაირი მცდელობა თავისუფალი სიტყვის შეზღუდვის არის განწირული. თავის დროზე, ჩემი პრეზიდენტობის დროს, როდესაც ერთ-ერთი ტელეარხი, რომელიც რუს ოლიგარქს ეკუთვნოდა, რამდენიმე დღით დაიხურა, მაშინ მე გადავდექი. თუ ასეთ რამეზე მიდიხარ, მაშინ ამას აქვს ძალიან დიდი შედეგები ყველასთვის და პირველ რიგში ხელისუფლებსითვის. ამიტომ, არავის ვურჩევ რუსთავი 2-ზე შეხებას, რადგან რუსთავი 2 არის სიმბოლო თავისუფალი სიტყვის, ეს არის სიმბოლო ქართული სახელმწიფოებრიობის, ყოველგვარი პარტიულობისა და მიკერძოებულობის გარეშე. ამიტომ მნიშვნელობა არ აქვს, ვინ რომელ პარტიაში, უნდა გვესმოდეს გვინდა თუ არა ჩვენ საქართველოს ჰქონდეს მომავალი თუ გვინდა, საქართველო იყოს გაბანძებული და დამცირებული? რა თქმა უნდა, ჩვენ გვინდა, რომ გვქონდეს მომავალი და ამ მომავალს ჩვენ ვერანაირი გარე თუ შიდა ძალა ვერ წაგვართმევს. დარწმუნებული ვარ გამარჯვება დარჩება თავისუფლების და საქართველოს მხარეს“ - განაცხადა მიხეილ სააკაშვილმა.