საქართველოში ნატო-ს სამეკავშირეო ოფისის ხელმძღვანელი უილიამ ლაჰიუ მიიჩნევს, რომ „რუსთავი 2“-ის საქმეზე პროცესი გამჭირვალე უნდა იყოს, რათა მფლობელის საკითხი სამართლიანად გადაწყდეს.

მისი თქმით, საერთაშორისო ორგანიზაციები, მათ შორის ნატო მიმდინარე მოვლენებს ყურადღებით აკვირდება.

„ეს ადვილი არ არის, თუმცა უკიდურესად მნიშვნელოვანია, რომ მედია დარჩეს თავისუფალი, ღია და გამჭვირვალე და საქართველოს ყველა მოქალაქე პატივს სცემდეს მას, როგორც ქვეყნის დემოკრატიის სასიცოცხლოდ მნიშვნელოვან კომპონენტს. საერთაშორისო ორგანიზაციები, მათ შორის ნატო ყურადღებით აკვირდებიან განვითარებულ მოვლენებს. მნიშვნელოვანია, რომ პროცესს თვალყურს ადევნებენ არასამთავრობო ორგანიზაციები. ეს არის საქართველოს ნატოსა და ევროკავშირისკენ მიმავალი გზის ნაწილი. ჩვენ ვცდილობთ ყველაფერს დაბალანსებული და სამართლიანი სივრციდან დავაკვირდეთ და იმედი გვაქვს სამართლიანობა ამ პროცესში უპირატეს მდგომარეობაში იქნება”, - განაცხადა უილიამ ლაჰიუმ.