„თავისუფალი დემოკრატების“ ლიდერის ირაკლია ალასანიას მეუღლე ნათია ფანჯიკიძე სოციალური ქსელიში მეშვეობით მთავრობას მიმართავს:

„მთავრობა, თქვენ კი არ მოგწონთ ჩემი იდეები, მაგრამ წარმოიდგინეთ, რომ ჩემი არაა, სხვისია და გაუცხოებულ-განყენებულად შეხედეთ, რომ მიმღებლობა გაიზარდოს: ხალხს აგრესიის გამოხატვა ვიზუალურ-გამომსახველობითი ფორმით რომ დააწყებინეთ, კარგია, მაგრამ უკეთესი ჯობს. მაგალითად, პრეზიდენტის ბიბლიოთეკას სისხლისფერი საღებავის ლაქები ძალიან მოუხდა კონთემპორერი არტის ამბავში, და მაინც ეს მიმდინარეობა სიახლე არაა ქართულ პოლიტიკურ ხელოვნებაში, მეტი მინდა, მეტს ველი, წინ წავიწიოთ, განვავითაროთ და მეტად ნაყოფიერი, სასრგებლო და ხალისიანი გავხადოთ:

ნაციონალების აქტივისტებსაც და ოცნებისასაც დაურიგეთ კარგი ხარისხის საღებავი და გორგოლაჭიანი დიდი ფუნჯები, მიეცით მისამართები სარესტავრაციო შენობების და სულ რამდენიმე თვეში დაწკრიალდება ქალაქები, გალამაზდება, ბრაზიც განელდება. შრომა აახლოვებს, აჯანსაღებს და აფერადებს. კიდევ უფრო კარგი მეგობრები გახდებით, მერე დაღლილებმა, საღამოობით კასრი გახსენით და ჩაუჯექით ფილმებს.

ვინც არც ნაცი ვართ, არც ოცნება,

ერთი-ორი ბულდოზერი მოგვეცით და რაც დასანგრევი და გასატანია, დავშლით და გავიტანთ, მშვენივრად განვიმუხტებით, საქმეც გაკეთდება.

ასევე, მომეცით გეთაყვა მაროკოული ლურჯი, თეთრი და ტერაკოტისფერი საღებავი (ამ ეტაპზე სამ ფერში ვიმუშავებ) და ამბროლაურის რამდენიმე უბანს ჩემს თავზე ავიღებ“, - წერს ფანჯიკიძე.