"რუსთავი 2"-ის გენერალურ დირექტორს ნიკა გვარამიას "ხელისუფლების მუქარა" “თბილისი - 2015”-ის საორგანიზაციო კომიტეტის თავმჯდომარემ ალექსი ახვლედიანმა გადასცა.

ამის შესახებ პროკურატურის მიერ გავრცელებულ განცხადებაშია ნათქვამი, სადაც გვარამიას დაკითხვის დეტალებზეა საუბარი.

"2015 წლის 21 ოქტომბერს ტელეკომპანია „რუსთავი 2“-ის დირექტორის მიერ გავრცელებულ ინფორმაციასთან დაკავშირებით მიმდინარე გამოძიების ფარგლებში მთავარი პროკურატურის საგამოძიებო ნაწილში მოწმის სახით დაიკითხა ნიკა გვარამია, რომელმაც დაკითხვისას აჩვენა, რომ მეგობარი, რომელიც მას შეხვდა არის ალექსი ახვლედიანი, საქართველოში ევროპის ახალგაზრდული ოლიმპიური ფესტივალი “თბილისი - 2015”-ის საორგანიზაციო კომიტეტის თავმჯდომარე. საქართველოს პროკურატურა ალექსი ახვლედიანს დღესვე დაიბარებს დაკითხვის მიზნით.

პროკურატურის მიერ მოწმე ნ.გავარამიას მიეცა წინადადება, რომ მისი და მისი ოჯახის მიმართ გამოყენებულიყო დაცვის სპეციალური ღონისძიებები, რაზეც მან უარი განაცხადა", - ნათქვამია განცხადებაში.