„რუსთავი 2“-ის გენერალური დირექტორის მოადგილემ ზაალ უდუმაშვილმა ტელეკომპანიის ეთერში შეკრებილებს თანადგომისთვის მადლობა გადაუხადა.

უდუმაშვილმა მიმართა ადგილზე შეკრებილებს, რომ 26 ოქტომბერს კვალ მათი მხარდაჭერის იმედი აქვთ.

„თქვენმა თანადგომამ დღეს მცირე გამარჯვება მოიტანა, რადგან მოსამართლე ურთმელიძემ უკან დაიხია და ვერ გაბედა გადაწყვეტილების გამოცხადება. როგორც ვიცით, ორშაბათს გახდება ცნობილი გადაწყვეტილება სარჩელთან დაკავშირებით. ერთადერთი, რაც ხელისუფლებას ხელს ააღებინებს ამ უკანონობაზე, ეს არის ხალხის ხმა. ორშაბათს ისევ აქ შევიკრიბოთ“, - მიმართა უდუმაშვილმა.

"რუსთავი 2"-ის საქმეზე პროცესი 26 ოქტომბერს განახლდება. სავარაუდოდ განაჩენი სწორედ ორშაბასთს გამოცხადდება.