ადვოკატი პაატა სალია ვარაუდობს, რომ ქიბარ ხალვაში უახლოეს მომავალში ქიბარ ხალვაში „რუსთავი 2“-ის პირდაპირ ეთერში ჩაერთვება.

ამის შესახებ ადვოკატმა საქალაქო სასამართლოში განაცხადა.

კითხვაზე, რატომ არ ჩაერთო ხალვაში ამ დრომდე პირდაპირ ეთერში სალიამ განაცხადა, რომ ბიზნესმენთან ამ საკითზე საუბარი არ ჰქონია.

„მგონია, რომ ხალვაში „რუსთავი 2“-ის ეთერში უახლოეს მომავალში აუცილებლად ჩაერთვება. რატომ არ ჩაერთო ამ დრომდე, მე ვერ გეტყვით. მასთან კონკრეტულად ამ საკითხზე საუბარი არ მქონია“, - განაცხადა პაატა სალიამ.

ადვოკატმა კომენტარი შანტაჟთან დაკავშირებით გვარამიას მიერ გაკეთებულ განცხადებაზეც გააკეთა და აღნიშნა, რომ პირად ცხოვრებაში ჩარევა და შანტაჟი დაუშვებელია.

სალია მიიჩნევს, რომ პროკურატურამ დროულად უნდა გამოძიოს აღნიშნული ფაქტი.