არავის არ მივცემთ რაიმე პროვოკაციის საშუალებას, ჩვენ უზრუნველვყოფთ მშვიდ გარემოს

არავის არ მივცემთ რაიმე პროვოკაციის საშუალებას, ჩვენ უზრუნველვყოფთ მშვიდ გარემოს - პრემიერი

პოლიტიკა - 10:21, 22 Oct, 2015

1208

პრემიერი ტელეკომპანია „რუსთავი 2“-ის საქმეში მთავრობის ჩართულობას აბსოლუტურად გამორიცხავს.

როგორც ირაკლი ღარიბაშვილმა მთავრობის სხდომაზე განაცხადა, ეს არის კერძო დავა მიხეილ სააკაშვილსა და ქიბარ ხალვაშს შორის.

პრემიერი მოუწოდებს ყველას, რომ სასამართლოს მისცენ საშუალება მიიღოს ობიექტური გადაწყვეტილება.

„ეს არის კერძო დავა 2 სუბიექტს შორის, მიხეილ სააკაშვილსა და ქიბარ ხალვაშს შორის. ქიბარ ხალვაშმა 3 წლის განამვლობაში ვერ აღიდგინა დარღვეული უფლებები და ვერ დაიბრუნა ის რაც მას ჰქონდა. რატომ, ჩვენ მიგვაჩნია, რომ ხელისუფლების ჩარევა ნებისმიერი ფორმით, ისეთ საკითხებში, რომელიც უკავშირდება მედიასაქმიანობას მიუღებელია. კიდევ ერთხელ ვაფიქსირებ ჩვენი მთავრობის პოზიციას, რომ ჩვენი ჩართულობა ამ საქმეში გამორიცხულია. მოვუწოდებ ყველას, რომ დამოუკიდებელ თავისუფალ სასამართლოს უნდა მიეცეს საშუალება მიიღოს ობიექტური გადაწყვეტილება. ჩვენ უზრუნველვყოფთ მშვიდ და სტაბილურ გარემოს ყველგან და არ მივცემთ რაიმე პროვოკაციის საშუალებას არავის“, - განაცხადა ღარიბაშვილმა.