"რა პირადი ცხოვრება აქვს ასეთი, საინტერესო რომ იყოს" - მეჭიაური გვარამიას განცხადებაზე

პოლიტიკა - 19:00, 21 Oct, 2015

3832

უმრავლესობის დეპუტატი, თამაზ მეჭიაური "ნიუპოსტთან" საუბრისას ნიკა გვარამიას განცხადებას ეხმაურება.
"ფილმებში მონაწილეობდა თუ როგორ არის? რა პირადი ცხოვრება აქვს ასეთი, საინტერესო რომ იყოს" - აღნიშნა მეჭიაურმა.
"ქართული ოცნების" წევრის თქმით, სასამართლოში კერძო დავა მიმდინარეობს და მასში ხელისუფლება არ ერევა.
"ეს დავა უნდა გადაწყვიტოს სასამართლომ. ხელისფლება არ ებრძვის რუსთავი 2 - ს" - განაცხადა დეპუტატმა.
ტელეკომპანია რუსთავი 2-ის დირექტორის ნიკა გვარამიას განცხადებით, მას პირადი ცხოვრების ამსახველი ვიდეოებით, ასევე, ოჯახის წევრების უსაფრთხოებით დაემუქრნენ.
როგორც გვარამიამ არასამთავრობო სექტორთან და დიპკორპუსთან შეხვედრაზე განაცხადა, ერთ-ერთმა პირმა ვინც მას სახელისუფლებო მესიჯებს აწვდის უთხრა, რომ მოსამართლე თამაზ ურთმელიძე ხვალ ქიბარ ხალვაშის სასარგებლო გადაწყვეტილებას გამოიტანს, ხოლო მისი აღსრულება დაუყოვნებლივ მოხდება.
"მითხრეს, რომ შემდეგ არ უნდა დამავიწყდეს, რომ ჩემი ოჯახის წევრები ცხოვრობენ აქ, არ უნდა დამავწიწყდეს, რომ არსებობს ჩემი ურთიერთობები, რომელიც ვიდეოზეა ჩაწერილი. მე მგონია, რომ შანტაჟის წინააღმდეგ ყველაზე სწორი გზა არის საუბარი" - განაცხადა ნიკა გვარამიამ.