,,რუსთავი 2 იქ იყო, სადაც გიჭირდათ“ - თეა თუაშვილი კოლეგებს რ2-ის მხარდაჭერისკენ მოუწოდებს

სოც.მედია - 16:10, 21 Oct, 2015

2609

,,მხარდაჭერის თუნდაც ერთი სიტყვა უკვე პოზიციაა რომ დადგე იმაზე მაღლა ვიდრე დაემორჩილო წნეხს“ - ჟურნალისტი თეა თუაშვილი რუსთავი 2-თან დაკავშირებულ პროცესებს სოციალურ ქსელში ეხმაურება და კოლეგებს ტელეკომპანიის მხარდაჭერისკენ მოუწოდებს.

,,ძალიან არ მომწონს, როდესაც კოლეგები რუსთავი-2 მარდაჭერას არ უცხადებენ და მერე ახსენებენ პლიუს, რომ აი ჩვენ რომ გვიჭირდა თქვენ სად იყავით. თუმცა დარწმუნებული ვარ იქ იყვნენ სადაც გიჭირდათ, კარგად გაიხსენეთ მათი რეპორტაჟები, შევარდნების დროს მათი მიკროფონები და კამერები თქვენს ოფისებთან და ობიექტურად გაკეთებული ინფორმაცია. უბრალოდ ყოველთვის არსებობდა რუსთავი2 მიმართ შური სხვა ტელეკომპანიებისგან და ეს უნდა აღიაროთ ყველამ თქვენს გულში. რადგან რუსთავი2 არის საუკეთესო არხი ინფორმაციის ოპერატიულად და თანამედროვე დასავლური სტანდარტებით მომზადების და გავრცელების კუთხით. ყველა ჟურნალისტს და ოპერატორს ერთხელ მაინც უოცნებია რომ ყოფილიყო რუსთავი2 თანამშრომელი, აქედან 90% დარწმუნებული ვარ სხვადასხვა დროს " უჩალიჩია" რომ იქ ემუშავა. მე არასოდეს "მიჩალიჩია" და მადლობელი ვარ ეროსის, ნურსასი და ეკა ხოფერიასი რომ თავად მიმიწვიეს და ამ უძლიერესი ოჯახის წევრი ვიყავი და მისვლიდან პირველივე დღეს პირველი ბლოკის მეორე სიუჟეტი მქონდა:)) მოკლედ იმის თქმა მინდა რომ ზოგჯერ დაყვედრების და წარსულის ნიშნის მოგებით გახსენების დრო არ არის. მხარდაჭერის თუნდაც ერთი სიტყვა უკვე პოზიციაა რომ დადგე იმაზე მაღლა ვიდრე დაემორჩილო წნეხს, არ მისცე უფლება რომ მოგექცეს დაინტერესებული მხარე ისე, რომ ძალაუნებურად შენც გახდე მხარე, კიდევ ერთხელ გადაარჩინო უფლება თქვა და იმოქმედო ისე, როგორც პროფესიონალმა ჟურნალისტმა ქვეყანაში, რომელსაც თავისუფალი მედია გადაარჩენს მხოლოდ“ - წერს თეა თუაშვილი.