მედიასივრცის შეზღუდვა და საფრთხის ქვეშ დაყენება - აშშ-ის სახელმწიფო დეპარტამენტის პოზიცია "რუსთავი 2"-ის შესახებ

პოლიტიკა - 12:05, 21 Oct, 2015

1133

აშშ-ის სახელმწიფო დეპარტამენტი საქართველოში, მედია სივრცეში არსებულ ვითარებასთან დაკავშირებით კიდევ ერთ განცხადებას აკეთებს.

როგორც "რუსთავი 2"-ის ჟურნალისტის კითხვის საპასუხოდ დეპარტამენტის პრესმდივანმა ჯონ ქირბიმ განაცხადა, აშშ-ის სახელმწიფო დეპარტამენტი "რუსთავი 2"-ში მიმდინარე მოვლენებს ყურადღებით აკვირდება.

„ჩვენ ძალიან სერიოზულად ვეკიდებით ნებისმიერ ქმედებას, რომელიც ჩანს, როგორც მედიასივრცის შეზღუდვა და მედიაპლურალიზმის საფრთხის ქვეშ დაყენება. ჩვენ გამოვხატეთ ჩვენი წუხილი საქართველოს მთავრობასთან, მათ შორის, თბილისში ელჩ იან კელის მეშვეობით, რომელმაც ძალიან გარკვევით ისაუბრა ამ თემაზე. მთავრობის ერთ-ერთი პრიორიტეტი უნდა იყოს მოქალაქეების თავისუფლების დაცვა, რომელიც დამოკიდებულია თავისუფალ და შეუზღუდავ წვდომაზე მედიასთან. იმის მიუხედავად, რომ შესაძლოა რთული იყოს ოპოზიციური მედიისგან კრიტიკის მოსმენა, ყველა მთავრობამ უნდა წაახალისოს ხმათა პლურალიზმი და მისცეს კონკურენციის საშუალება ამ ხმებს, აზრთა თავისუფალი გამოხატვის პირობებში“, - განუცხადა ბრიფინგის შემდეგ „კურიერის“ ჟურნალისტს სახელმწიფო დეპარტამენტმა.