,,ქიბარ ხალვაშს ერთი რამ ავიწყდება” - რა მოხდა წყნეთში ხალვაშსა და რ2-ის ჟურნალისტებს შორის

პოლიტიკა - 09:48, 21 Oct, 2015

4376

ჟურნალისტი ნანუკა ჟორჟლიანი ქიბარ ხალვაშის სახლში გამართული შეხვედრის დეტალებს იხსნებს.
როგორც გადაცემა „არჩევანში“ ჟორჟლიანიანმა განაცხადა, ხალვაშმა თავის დროზე „რუსთავი 2“ წამგებიან ბიზნესად აქცია.
ჟურნალისტმა ტელეკომპანიიდან ნიკა ტაბატაძის წასვლასაც დეტალებზეც ისაუბრა.
"როცა ქიბარ ხალვაში ამ არხის მფლობელი იყო, მე მას აქ დავხვდი. როცა ქიბარ ხალვაში დღეს ამბობს, რომ ის დაიცავს აქ მომუშავე ადამიანებს, ხალვაშს ავიწყდება ერთი რამ, რომ ჩვენ გვახსოვს, მან ვერ დაიცვა არხის გნერალური დირექტორი, ნიკა ტაბატაძე. ვერ დაიცვა ადამიანი, რომელიც მაშინ იყო სიტყვის თავისუფლების გარანტი აქ მომუშავე ნებისმიერი ადამიანისთვის. როცა მაშინდელი ჟურნალისტები ქიბარ ხალვაშს ეკითხებოდნენ, თუ რატომ გაუშვი ნიკა ესემესით სახლშიო, პასუხიც კი არ ჰქონდა. ქიბარ ხალვაშმა ყველაფერი გააკეთა, რომ ეს არხი დაეტოვებინა მაშინ ხალხისთვის ძალიან საყვარელი ადამიანების გარეშე. იმდენად უსუსური იყო, როდესაც თათბირები ტარდებოდა ნიკას გარეშე თათბირზე ვერ შემოდიოდა. როდესაც ხალვაში ამბობს, რომ ვინმეს თავისუფლებას დაიცავს ეს დაუჯერებელია ჩვენთვის, რომლებმაც ვერ მივიღეთ მაშინ პასუხი, თუ რატომ ვერ დაიცვა თანამშრომლები“, - განაცხადა ჟორჟლიანმა.