"ქართული ოცნება" ოპოზიციიდან ხალხის გადაბირებას იწყებს

"ქართული ოცნება" ოპოზიციიდან ხალხის გადაბირებას იწყებს - რა მოხდა "თავისუფალ დემოკრატებში"

პოლიტიკა - 14:54, 20 Oct, 2015

3881

„თავისუფალი დემოკრატების“ ხობის ორგანიზაციის თავმჯდომარე ნუგზარ შუშანია ირაკლი ალასანიას პარტიას ემიჯნება და შტაბთან ერთად „ოცნებაში“ გადადის.

როგორც შუშანია იწრმუნება, მისთვის მიუღებელია "თავისუფალი დემოკრატების" ხელმძღვანელი პირების განცხადებები და ქმედებები.

როგორც "ნიუპოსტთან" ხობის ორგანიზაციის თავმჯდომარემ განაცხცადა, ის არ ეთანხმება იმ ფაქტს, რომ პარტიის ერთ-ერთი ლიდერი ალექსი პეტრიაშვილი, "რუსთავი2"-ის მხარდამჭერ აქციაში იღებდა მონაწილეობას, ამასთანავე შუშანია ირაკლი ალასანიას „ნაციონალურ მოძრაობასთან“ ალიანსში შესვლაშიც ადანაშაულებს.

როგორც "ნიუპოსტმა" გაარკვია, შუშანიასთან ერთად პარტია არა მთლიანად მისმა შტაბმა არამედ რამდენიმე ადმაიანმა დატოვა.

როგორც ჩვენს რეგიონალურ კორესპოდენტს ადგილობრივი ორგანიზაციის წარმომადგენლებმა, განუცხადეს ისინი პარტიის ლიდერების ქმედებებს ეთანხმებიან და მათთვისაც მიუღებელია თავისუფალ მედიაზე ზეწოლა.

როგორც „ნიუპოსტმა“ გაარკვია, თავისუფალი დემოკრატების ხობის ორგანიზაციის თავმჯდომარე "ქრთულ ოცნებასთნ" ფარულ გარიგებაში იმყოფებოდა. შუშანიამ ორგანიზება გაუწია ხობიდან ზუგდიდში ე.წ კასრების კადრების ჩვენებაზე რამდენიმე ადამიანის ჩაყვანას. ნუგზარ შუშანიას გულისწყრომა კი ამ ფაქტთან დაკავშირებით მისი მისამართით პარტიის ხელმძღვანელების მხრიდან წამოსულ შენიშვნებს მოჰყვა.

შუშანია თბილისის სათაო ოფისში დაიბარეს, მან კი პარტიდან მის შესაძლო გარიცხვას დაასწრო და პარტია საპროტესტო განცხადებით დატოვა.