ურთმელიძეს აქვს დავალება, რომ "რუსთავი 2"-ის საქმეზე გადაწყვეტილება მხოლოდ მან მიიღოს

ურთმელიძეს აქვს დავალება, რომ "რუსთავი 2"-ის საქმეზე გადაწყვეტილება მხოლოდ მან მიიღოს - ბაქრაძე

პოლიტიკა - 14:07, 19 Oct, 2015

1451

საპარლამენტო უმცირესობის ლიდერის დავით ბაქრაძის თქმით, „რუსთავი 2“-ის წინააღმდეგ მიმდინარე საქმეში სერიოზული კითხვის ნიშნები არსებობს.

როგორც ბაქრაძემ საქალაქო სასამართლოში „ნიუპოსტთან“ საუბრისას განაცხადა, ეჭვს აჩენს ის ფაქტიც, რომ საქმის განხილვა დაჩქარებულ რეჟიმში მიმდინარეობს.

„საქმის მიმდინარეობაში სერიოზული კითხვის ნიშნები არსებობს. პირველი გახლავთ მოსამართლის გადაწყვეტილება, რომელიც არის არაპროპორციული და რომლითაც მან „რუსთავი 2“-ის მთელი ქონება დააყადაღა. ეჭვს აჩენს ის სისწრაფე, რა სისწრაფითაც საქმის განხილვა მიმდინარეობს. მესამე საკითხი შეეხება თავად მოსამართლე ურთმელიძეს. მიუხედავად იმისა, რომ პროცესის მიმდინარეობის დროს მისი ოჯახის წევრების შესახებ სენსიტიური და სერიოზული ინფორმაცია გაჟღერდა, ადამიანი მაინც დაჟინებით ითხოვს, რომ მან გადაწყვეტილების მიღება საქმეზე გააგრძელოს. სუფთა ადამიანურად ნებისმიერი პირი ამ ფაქტების გასაჯაროების შემდეგ იტყოდა, რომ მომეშვით და სხვამ გადაწყვიტოს ეს საქმე. მოსამართლე ურთმელიძე პრინციპულად ითხოვს, რომ საქმეზე გადაწყვეტილება ბოლომდე მან მიიღოს. არსებობს ეჭვი, რომ მას აქვს დავალება, რომ "რუსთავი 2"-ის საქმეზე გადაწყვეტილება სწორედ მან მიიღოს. ყველასთვის გასაგებია ვისი დაინეტერესებაა საქმესთან დაკავშირებით“, - განაცხადა ბაქრაძემ.